سايلاۋ-2015: استانادا ق ر پرەزيدەنتتىگىنە كانديدات ءابىلعازى قۇسايىنوۆتىڭ سايلاۋالدى شتابى اشىلدى
ءا. قۇسايىنوۆ رەسپۋبليكالىق سايلاۋالدى شتابىنىڭ جەتەكشىسى رۇستەم جولاماندى تانىستىردى، ول ءوز كەزەگىندە شتابتىڭ تاياۋداعى كەزەڭدەگى جۇمىس جوسپارى تۋرالى باياندادى.
«ق ر پرەزيدەنتتىگىنە كانديدات ءا. ق. قۇسايىنوۆتىڭ شتابى جۇمىسىن باستادى. ءبىزدىڭ الدىمىزدا وتە كوپ جۇمىستار تۇر، پرەزيدەنتتىككە كانديداتتان كوپتەگەن تاپسىرمالار الدىق.
ءبىز بۇقارالىق اقپارات قۇرالدارى ارقىلى، باسپا جانە ەلەكتروندى ب ا ق ارقىلى ۇگىت ناۋقانىن ورىستەتەتىن بولامىز، ءارتۇرلى سالالاردا سايلاۋشىلارمەن كەزدەسۋىمىز قاجەت.
ءبىز قازىر حالىق سەنگەن وكىلدەرمەن ۇلكەن جۇمىس ازىرلەپ جاتىرمىز، ولار ءبىزدىڭ كانديداتتىڭ تۇعىرناماسىن ءاربىر سايلاۋشىعا جەتكىزىپ، بارىنشا كوپ ادامدى قامتۋى قاجەت» ، - دەپ اتاپ ءوتتى ر. جولامان.
اعىمداعى جىلدىڭ 26 - ناۋرىزىنان 24 - ساۋىرگە دەيىنگى ۇگىت جۇمىستارى كەزەڭىندە رەسپۋبليكالىق جانە وڭىرلىك شتابتار ءبىرقاتار ۇيىمداستىرۋ شارالارىن جۇرگىزۋدى، سونىڭ ىشىندە ايماقتارداعى سايلاۋشىلارمەن كەزدەسۋدى، حالىق سەنگەن وكىلدەرمەن كەزدەسۋلەر، بۇقارالىق اقپارات قۇرالدارىندا سايلاۋالدى ۇگىت جۇمىسىن جۇرگىزۋ جوسپارلانۋدا.
ر. جولاماننىڭ اتاپ وتۋىنشە، شتاب ۇگىت جۇمىستارىن جوسپارلادى، كوپتەگەن كەزدەسۋلەر وتكىزىلەدى. اتاپ ايتقاندا، ءبىرقاتار كاسىپورىنداردىڭ ەڭبەك ۇجىمدارىمەن، شارۋا قوجالىقتارى جانە فەرمەرلىك شارۋاشىلىقتاردىڭ قىزمەتكەرلەرىمەن كەزدەسۋلەر بەلگىلەنىپ وتىر. قازاقستاننىڭ بارلىق وڭىرلەرىندە سايلاۋالدى شتباتار قۇرىلدى، حالىق سەنگەن وكىلدەر تىركەلدى. ءاربىر اۋداندا ەل زاڭناماسىندا كوزدەلگەن ۇگىت شارالارىنىڭ بۇكىل كەشەنىن وتكىزۋ قاراستىرىلۋدا.
شتابتىڭ اشىلۋى كەزىندە ءا. قۇسايىنوۆ سايلاۋالدى باعدارلاماداعى كوتەرىلگەن ماسەلەلەردىڭ وزەكتىلىگىن جانە وسى كەلەى پروبلەمالارعا قوعامنىڭ نازارىن اۋدارۋ قاجەتتىگىن اتاپ ءوتتى.
اتاپ ايتقاندا ەكولوگيانى ساقتاۋ ماسەلەلەرى.
قازاقستان رەسپۋبليكاسىنىڭ پرەزيدەنتتىگىنە كانديدات ءا. قۇسايىنوۆتىڭ تۇرعىرناماسىنىڭ باستى ماقساتى ادامدى دامىتۋ تۇرعىسىنان ەكولوگيالىق قاۋىپسىز دامۋعا كوشۋ مىندەتتتەرىن قاراستىرادى، مۇنداي ەكولوگيالىق اسپەكتىلەرگە كوشۋدە ونەركاسىپ قاۋىپسىزدىگى ماسەلەلەرىن دە ەسكەرۋ قاجەت.
ءا. قۇسايىنوۆتىڭ پىكىرىنشە، ەكولوگيالىق ساياساتتى جاڭارتۋ جانە ەكولوگيالىق دامۋعا جوسپارلى تۇردە كوشۋدە ازاماتتىق قوعامنىڭ رولىنە ەرەكشە كوڭىل ءبولۋ قاجەت.
سونداي- اق ءا. قۇسايىنوۆتىڭ سايلاۋالدى باعدارلاماسىندا ونەركاسىپتىك قاۋىپسىزدىك پرينتسيپتەرىن بۇلجىتپاي ساقتاۋ جانە تەحنيكالىق رەگلامەنتتەردى ساقتاۋ ماسەلەلەرىنە ەرەكشە كوڭىل بولەدى.
ءوسىمنىڭ كوزى ەكونوميكانى ەكولوگيالىق تازا، قالدىعى از تەحنولوگيالارعا اينالدىرۋ، قورشاعان ورتاعا ۇقىپتىلىقپەن قاراۋ جانە ءبىزدىڭ باسەكەگە قابىلەتتىلىگىمىزدى ارتتىرۋ دارەجەسىن قامتاماسىز ەتۋگە مۇمكىندىك بەرەتىن بولۋى ءتيىس، بۇل قوعامنىڭ ءومىر ساپاسىن جانە ءال- اۋقاتىن ارتتىراتىن جول بولماق.
ەكولوگيالىق تەپە- تەڭدىك پەن ونەركاسىپ قاۋىپسىزدىگىن ساقتاۋ يدەياسىن تاراتۋدا بۇقارالىق قوعامدىق ۇيىمدار جانە كاسىبي ينستيتۋتتار ەرەكشە ءرول اتقارۋى ءتيىس.
مۇنداي ينستيتۋتتاردى ورتالىقتا دا، ايماقتاردا دا دامىتۋ ەكولوگيالىق دامۋدى قامتاماسىز ەتۋ ءۇشىن ەكونوميكانى جاڭارتۋدىڭ ءجىتى مىندەتتەرىن جۇزەگە اسىرۋعا جانە ساراپشىلىق قوعامداستىق پەن ازاماتتىق قوعامنىڭ كۇش- جىگەرىن شوعىرلاندىرۋعا جاردەمدەسەتىن بولادى.
ءا. قۇسايىنوۆتىڭ سايلاۋ الدىنداعى بۆاعدارلاماسىندا ونەركاسىپ قاۋىپسىزدىگى ماسەلەلەرىنە دا ەلەۋلى ورىن بەرىلگەن.
ءا. قۇسايىنوۆ ونىمدەر مەن ۇدەرىستەردىڭ قاۋىپسىزدىگىن قامتاماسىز ەتۋ مۇددەسىندە كاسىپورىندار قىزمەتىنە جۇيەلى قوعامدىق باقىلاۋدى جاقتايدى.
ءابىلعازى قۇسايىنوۆ قازاقستان رەسپۋبليكاسى پرەزيدەنتتىگىنە ءوزىنىڭ كانديداتۋراسىن 2015 -جىلعى 12 - ناۋرىزدا ۇسىنعان بولاتىن.
و س ك بەلگىلەگەن بارلىق راسىمدەردەن ويداعىداي ءوتىپ، ول 2015 -جىلعى 18 - ناۋرىزدا ءۇشىنشى بولىپ قازاقستان رەسپۋبليكاسى پرەزيدەنتتىگىنە كانديدات بولىپ تىركەلدى.
كانديدات ءا. قۇسايىنوۆتى قولداپ، 132 مىڭ 152 سايلاۋشىنىڭ شىنايى قولدارى جينالدى.
