ن.نازاربايەۆ قازاقستاندىقتاردى جاڭا 2015 - جىلمەن قۇتتىقتادى
قۇرمەتتى قازاقستاندىقتار!
قىمباتتى وتانداستار!
جاڭا جىل - بارشاعا جان شۋاعىن سىيلايتىن جايدارى مەرەكە. جىل سايىن ءبىز ونى ۇكىلى ۇمىتپەن، يگى تىلەكپەن قارسى الىپ، تولايىم تابىسپەن شىعارىپ سالامىز. الەمدىك ەكونوميكاداعى بۇگىنگى قيىندىققا قاراماستان بيىل دا ءال-اۋقاتىمىز ارتا ءتۇستى.
ءوتىپ بارا جاتقان جىل دامۋدىڭ كەلەسى كەزەڭىنە باستايتىن وقيعالارمەن ايشىقتالدى. ءبىز الداعى جىلى كۇش-قۋاتىمىزدى ەسەلەيتىن اۋقىمدى نارىقتىڭ ەسىگىن اشامىز. باعدارىمىز - بەلگىلى، تاڭداۋىمىز - ايقىن، ماقساتىمىز - بيىك. بارشاعا شۇعىلا شاشاتىن «نۇرلى جول» بۇكىل ەلىمىزدىڭ كۇرەتامىرىنا اينالدى.
كەلەر جىل - تەرەڭ تاريحىمىزعا، قۇقىقتىق نەگىزىمىزگە، بەرەكەلى بىرلىگىمىزگە قۇرمەت كورسەتەتىن جىل. ىنتىماعى جاراسقان حالقىمىز وسى ايتۋلى وقيعالاردى لايىقتى اتاپ وتەدى دەپ سەنەمىن. قازاق حالقى قوي تۇلىگىن ەجەلدەن قۇت-بەرەكەنىڭ باسى دەپ بىلگەن. ەندەشە، الداعى قوي جىلى مولشىلىق پەن ىرىسىن الا كەلسىن! ەلىمىزدەگى ءار شاڭىراقتىڭ داۋلەتى مەن ساۋلەتى ارتىپ، تاتۋلىعىمىز نىعايا بەرسىن!
جاڭا جىل قۇتتى بولسىن، ارداقتى اعايىن!
