ۇ ب ت-نىڭ 2015 -جىلعى قورىتىندىسى بويىنشا ورتاشا بالل 79,4 قۇرادى

استانا. قازاقپارات - ەلىمىزدە ۇلتتىق ءبىرىڭعاي تەستىلەۋ اياقتالدى. 2-8 -ماۋسىم ارالىعىندا وتكىزىلگەن ۇ ب ت قورىتىندىسى بويىنشا ورتاشا بالل 79,4 بولدى، بۇل 2014 -جىلمەن (76,9) سالىستىرعاندا %2,5 عا جوعارى، دەپ حابارلايدى ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنەن.

سونداي-اق وسى جىلى 100 بالدان جوعارى ناتيجە كورسەتكەن وقۋشىلار سانى %2,4  عا ءوستى، ولار 14420 (%17,4) بولدى، 2014 -جىلى - 13137 (%15). 50 بالدىق شەكتى دەڭگەيلىك باللدى جيناعان تۇلەكتەر سانى %4,5 عا كوبەيدى، ياعني 67497 وقۋشى (%81,4)، ال 2014 -جىلى ولاردىڭ سانى 67357 (%76,9) بولدى.

ەڭ جوعارعى ۇپاي 125 باللدى - 5 وقۋشى: ەردوسوۆا گۇلناز جاندوس قىزى (تاراز قالاسىنىڭ №45 قازاق كلاسسيكالىق گيمنازياسىنىڭ تۇلەگى) ؛ مۇستافينا ريانا ەركىن قىزى (استانا ق. №59 مەكتەپ- ليتسەيى)؛ سامات سىمبات قۋانىش قىزى (ب ق و تەرەكتى اۋدانىڭ «ءۇمىت» لينگۆيستيكا گيمنازياسىنىڭ تۇلەگى) جانە لاۋرا ابدازيموۆا (و ق و تۇلكىباس اۋدانىنىڭ ءۇش تىلدە وقىتىلاتىن دارىندى بالالارعا ارنالعان مەكتەپ- ينتەرناتىنىڭ تۇلەگى) ؛ ياكوۆلەۆا اناستاسيا ۆلاديميروۆنا (الماتى ق. №90 ليتسەيى) جينادى (2014 -جىلى - 4 تۇلەك).

تەستىلەۋ ناتيجەسى ۇبت وتكىزۋ پۋنكتتەرىندەگى تاقتايشالارعا ىلىنۋمەن قاتار ۇلتتىق تەستىلەۋ ورتالىعى سايتىنا (www.testcenter.kz) ەنگىزىلەدى.