قازاقستان پرەزيدەنتى 2015 - جىلى شەتەلگە 13 ساپار جاسادى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە ق ر سىرتقى ىستەر ءمينيسترى ەرلان ىدىرىسوۆ ءمالىم ەتتى.
«ارينە، ماڭىزدى اسپەكت مەملەكەت باسشىمىزدىڭ ديپلوماتيالىق حالىقارالىق قىزمەتى ەكەندىگى انىق. وزدەرىڭىز دە بىلەتىندەي، ءبىزدىڭ ەلىمىزگە ق ح ر ءتوراعاسى، تۇركيا پرەزيدەنتى، ءۇندىستان پرەمەر- ءمينيسترى، اۋعانستان، جاپونيا، ۋكراينا، رەسەي باسشىلارى سىندى ءىرى كوشباسشىلار كەلدى. تاياۋدا عانا ءبىزدىڭ ەلىمىزدە ا ق ش مەملەكەتتىك حاتشىسى مەن ەۋروپالىق وداقتىڭ سىرتقى ىستەر ءمينيسترى بولدى»، - دەدى ول.
سونىمەن قاتار مينيستر ق ر پرەزيدەنتىنىڭ رەسەي، قىتاي، ۇلى بريتانيا، فرانسيا سىندى ەلدەرگە ساپارمەن بارعانىن، بۇل اتالعان ەلدەرمەن بىزدەردىڭ ساياسي ءوزارا تۇسىنىستىگىمىز مەن سەنىمىمىزدىڭ جوعارى دەڭگەيدە ەكەندىگىن قۋاتتايتىندىعىن اتاپ ءوتتى.
«ساپارلار بارىسىندا ءار ۋاقىتتا دا ەكونوميكالىق بايلانىستارعا، بيزنەس- فورۋمعا قاتىستى ءتۇرلى شارالار وتكىزىلىپ، وندا ناقتى مەموراندۋمدار مەن كەلىسىمشارتتار جاسالدى. ءبىزدىڭ بولجامدى ەسەپتەۋلەرىمىزشە، مەملەكەت باسشىسى ساپارىنىڭ جانە ءبىزدىڭ ەلىمىزگە جاسالعان ساپارلاردىڭ اياسىندا وسى جىلى جۇزەگە اسىرىلعان كەلىسىمشارتتار مەن ۋاعدالاستىقتاردىڭ كولەمى 60 ميلليارد شارتتى بىرلىكتەن اسىپ جىعىلادى. شامامەن 300 كەلىسىمشارتقا قول قويىلدى. تەڭگەمەن ايتقاندا بۇل سوما 170 تريلليون تەڭگەنى قۇرايدى. جالپى، 2015 -جىلى مەملەكەت باسشىسى 13 ساپار جاساپ، 32 مەملەكەت، ۇكىمەت باسشىلارىن جانە باسقا دا جوعارى شەندى شەتەلدىك قايراتكەرلەردى قابىلدادى. ەلىمىزگە 70 ساپار جاسالدى»، - دەدى ە. ىدىرىسوۆ.
اۆتور: مارلان جيەمباي
