وڭتۇستىك استانادا «الماتى ارۋى-2015» بايقاۋىنىڭ ىرىكتەۋ كەزەڭىندە 12 سۇلۋ وزىپ شىقتى - فوتو

 الماتى. قازاقپارات - وڭتۇستىك استانادا «الماتى ارۋى-2015» بايقاۋىنىڭ ىرىكتەۋ كەزەڭى جالعاسىپ جاتىر. ەڭ سۇلۋ ارۋ اتاۋىنا قازىلار القاسى 12 بويجەتكەندى لايىقتى دەپ تاپتى.

 «كاستينگ باستالعالى بەرى 293 قىز باعىن سىنادى. ولاردىڭ اراسىنان 22 بويجەتكەن ىرىكتەلىپ الىنعان بولاتىن. وسى ۋاقىت ارالىعىندا بويجەتكەندەر ءتۇرلى مادەني شارالارعا قاتىسىپ، وزدەرىن جان- جاقتى تانىستىرۋعا تىرىستى. ناتيجەسىندە ولاردىڭ 12- ءسى فينالعا ءوتتى»، - دەدى بايقاۋ ديرەكتورى سوۆەت سەيىتوۆ.

 الماتى ارۋىن بيىل شوۋمەن نۇرتاس ادامبايەۆ، ديزاينەر ايدا كاۋمەنوۆا، بىلتىرعى ميسس رەگينا ۆاندىشيەۆا، پروديۋسەر بايان ەسەنتايەۆا، اباي اتىنداعى مەملەكەتتىك وپەرا جانە بالەت تەاترىنىڭ پريما- بالەريناسى ساۋلە راحمەتوۆا حابارلادى.

 بۇگىنگى باسپا ءسوز جيىنى بارىسىندا قىزدار قازىلار القاسىن قانداي ونەرىمەن ءتانتى ەتەتىندەرىن بايانداپ بەردى.

ايتا كەتۋ كەرەك، بايقاۋدىڭ فينالى 11 - قىركۇيەكتە Villa Dei Fiori مەيرامحاناسىندا وتەدى.