تەڭگەنىڭ ساتۋ باعامىنان ساتىپ الۋ باعامدارى شەكتەرىنىڭ قولدانىس مەرزىمى 2015 - جىلعى 10 - اقپانعا دەيىن ۇزارتىلدى

استانا. قازاقپارات - ق ر ۇلتتىق بانك باسقارماسىنىڭ قاۋلىسىمەن ايىرباستاۋ پۋنكتتەرى ارقىلى جۇرگىزىلەتىن وپەراتسيالار بويىنشا تەڭگەگە ا ق ش دوللارى مەن ەۋرو ساتۋ باعامىنان ساتىپ الۋ باعامىنىڭ اۋىتقۋ شەكتەرىنىڭ قولدانىس مەرزىمى ۇزارتىلدى.

بۇل تۋرالى ق ر ۇلتتىق بانكى حابارلادى.

قۇجاتقا سايكەس ايىرباستاۋ پۋنكتتەرى ارقىلى جۇرگىزىلەتىن وپەراتسيالار بويىنشا تەڭگەگە شەتەل ۆاليۋتالارىن ساتۋ باعامىنان ساتىپ الۋ باعامىنىڭ اۋىتقۋ شەكتەرىنىڭ قولدانىس مەرزىمى 2014 -جىلعى 11 - اقپاننان باستاپ 2015 - جىلعى 10 - اقپان (قوسا العاندا) ارالىعىنا بەلگىلەندى.

بۇدان بۇرىن بەلگىلەنگەن شەكتەر 2014 - جىلعى 11 - اقپاننان 2014 - جىلعى 31 - جەلتوقسان (قوسا العاندا) ارالىعىندا ارەكەت ەتكەن.

بۇگىن باعامنىڭ اۋىتقۋ شەگى:

1) ا ق ش دوللارىنا - 2 تەڭگە،

2) ەۋروعا - 3 تەڭگەنى قۇرايدى.