قازاقستاندىق بويجەتكەن «الەم ارۋى-2014» بايقاۋىنا بارا الماي قالدى - فوتو
سۇحبات بارىسىندا قىز ءوزىنىڭ ابدەن دايىندالعانى جايىندا، كەشكى كويلەكتەرى مەن ۇلتتىق كيىمدەرىن، ءتىپتى بيلەتتەرىن دە ساتىپ الىپ قويعانى جايلى اڭگىمەلەدى. «مەن ۇيىمداستىرۋ ماسەلەلەرىمەن ءوزىم اينالىستىم. ۆيزا جاساتۋدا قيىندىقتار تۋىندادى. ماعان ۆيزا بەرۋدەن باس تارتىلعان جوق، تەك ۇلى بريتانيا جۇيەسىنەن تابىلمادىم. قازاقستاننىڭ جۇيەسىندە بارمىن، ال ۇلى بريتانيادا نەگە ەكەنى بەلگىسىز قيىندىقتار تۋىندادى. ۇيىمداستىرۋشىلار كومەكتەسكەن دە جوق»، - دەيدى داۋلەتوۆا.
ءمادينا داۋلەتوۆانىڭ ايتۋىنشا، ول ايتۋلى بايقاۋعا قاتىسۋ ءۇشىن كاستينگتەن وتكەن. «ۇيىمداستىرۋشىلار كوپتەگەن ۇمىتكەرلەردىڭ اراسىندا مەنىڭ تاڭدالعانىمدى ايتىپ، قوڭىراۋ شالدى. (...) مەن قاراپايىم قىزبىن، داۋلەتتى جىگىتىم دە، اتا-انام دا جوق. مەنىڭ جىگىتىم - تالعات كەنجەبولاتوۆ (ءانشى كەنتال - اۆت.) وندايمەن اينالىسپايدى، تامىر-تانىسپەن وتكەن جوقپىن. مەنى ۇيىمداستىرۋشىلاردىڭ وزدەرى تاڭدادى»، - دەدى ول.
ءماديناعا ەشكىم قولداۋ كورسەتپەگەن، قارجى ماسەلەسىن دە قىزدىڭ ءوزى شەشكەن. «ماعان ەشكىم كومەكتەسپەدى. ەگەر ارۋ حالىقارالىق بايقاۋعا قاتىسۋ ءۇشىن بارا جاتسا، كىم بولسا دا، ۇلتى قانداي بولسا دا، قولداۋ كورسەتىڭىزدەرشى. مەن بىردە-ءبىر جاقسى پىكىر وقىعان جوقپىن»، - دەدى ول.
ايتا كەتەيىك، ءمادينا داۋلەتوۆا - «الماتى ارۋى-2013» بايقاۋىنا جانە كوپتەگەن حالىقارالىق جوبالارعا قاتىسۋشى.
ال ا ق ش- تا 2015-جىلدىڭ قاڭتارىندا وتەتىن «جەر ءجۇزى ارۋى-2014» سۇلۋلىق بايقاۋىنا قازاقستاننىڭ اتىنان «قازاقستان ارۋى-2013» ايداي يسايەۆا قاتىسادى. 2013-جىلى «الەم ارۋى» بايقاۋىنا تالدىقورعان قالاسىنىڭ ارۋى اينۇر تولەۋوۆا قاتىسقان بولاتىن.
