عاسىردان ۇزاق جاساعان قاريا 200 جاسقا دەيىن ءومىر سۇرگىسى كەلەتىنىن ايتتى

نۇر-سۇلتان. قازاقپارات – 128 جاستاعى تايلاند تۇرعىنى ءوزىنىڭ ۇزاق جاساۋ سىرىمەن ءبولىستى، دەپ حابارلايدى The Thaiger پورتالى.

 ورن پارنچومپۋدىڭ ايتۋىنشا، ول سياما راما V پاتشا ەل باسقارعان تۇستا، ياعني 1891 -جىلدىڭ 9 - ساۋىرىندە دۇنيەگە كەلىپتى. قاريانىڭ ءومىرى ەلدەگى رەفورمالىق وزگەرىستەرمەن تۇسپا- تۇس كەلگەن، سونىڭ ىشىندە قۇلدىقتى جويۋ مەن مينيسترلىك جۇيەنى قۇرۋ ساتىنە كۋا بولدى.

ورن پارنچومپۋ ۇيلەنگەن، كىندىگىنەن تاراعان 7 بالادان 11 نەمەرە ءسۇيىپ وتىر. ايەلى ودان 58 جاسقا كىشى، قازىر 70 كە تولعان. ايرانداي ۇيىعان وتباسى تايلاندتىڭ سولتۇستىك- شىعىس بولىگىندەگى ني سومبۋن اۋىلىندا تۇرىپ جاتىر.

 جاس شاماسىنا قاراماستان، وتاعاسى ءۇيدى سىپىرىپ، بوگدە ادامنىڭ كومەگىنسىز باسپالداققا كوتەرىلە الادى. ونىڭ ايتۋىنشا، ۇزاق ءومىر ءسۇرۋىنىڭ بار قۇپياسى تابيعي تاعامداردى تۇتىنۋ مەن فيزيكالىق جاتتىعۋلار جاساۋدا.

«مەنىڭ دوستارىمنىڭ كوبىسى و دۇنيەلىك بولىپ كەتتى. ولاردى ساعىنامىن. مۇمكىن بولسا، 200 جاسقا دەيىن ءومىر سۇرگىم كەلەدى»، -  دەيدى ورن پارنچومپۋ.

بۇعان دەيىن الەمدەگى ەڭ كارى كىسى رەتىندە يندونەزيا ازاماتى مباح گحوتو سانالعان ەدى. ول 2017 -جىلى 146 جاسقا قاراعا شاعىندا كوز جۇمدى. رەسمي قۇجاتقا سايكەس، مباح 1870 -جىلدىڭ 31 - جەلتوقسانىندا تۋعان. جۋرناليستەرگە بەرگەن سۇحباتىندا اتاي ۇزاق جاساۋىنىڭ سىرىن «اينالامدا مەنى شىن جاقسى كورەتىن ادامدار بولدى» دەپ تۇسىندىرگەن.

www.24.kz