اتىراۋدا ۇلتتىق قوردىڭ 200 ميلليون تەڭگەسى ماقساتقا ساي پايدالانىلماعان

اتىراۋ. قازاقپارات - اتىراۋ وبلىسى بويىنشا ەكونوميكالىق تەرگەۋ قىزمەتى قارجى سالاسىنداعى قۇقىق بۇزۋشىلىقتاردى تەرگەۋ باسقارماسى ق ر ۇلتتىق قورىنىڭ قارجىسىن ماقساتقا ساي پايدالانباعان فاكتىنى انىقتادى.

«جەدەل ىزدەۋ شارالارى بارىسىندا «م- ت» ج ش س لاۋازىمدى تۇلعاسىنا قاتىستى ق ر ۇلتتىق قورىنان بولىنگەن جەڭىلدىك كرەديتتىك قاراجاتتى ماقساتقا ساي پايدالانباعان فاكتى بويىنشا اقپارات انىقتالدى.

2014-جىلى ماۋسىمدا اتىراۋ قالاسىنداعى بانكتەردىڭ بىرىنەن «م- ت» ج ش س- مەن كرەديتتىك شارت اياسىندا نەگىزگى قۇرالداردى تولىقتىرۋ (كورەي كومپانيالارىنىڭ بىرىنەن (شپريتستەر ءوندىرۋ بويىنشا جابدىق ساتىپ الۋعا) ءۇشىن 600 ميلليون تەڭگەدەن استام سومادا اقشالاي قاراجات بەرىلدى. ۇسىنىلعان قاراجات اياسىندا 2014-جىلعى ساۋىردە «م- ت» ج ش س اففيليرلەنگەن «ن. » ج ش س- مەن شپريتستەردى ساتىپ الۋعا پاتەنت ءۇشىن سوماسى 200 ميلليون تەڭگەگە كەلىسىمشارت جاسالدى. ول «ن.» ج ش س ەسەبىنە اۋدارىلدى».

تەرگەۋ بارىسىندا 6 اي ىشىندە «ن.» ج ش س ۇلتتىق قوردىڭ جەڭىلدىكپەن بەرىلگەن اقشاسىن ءوزىنىڭ قالاۋىمەن جۇمساعانى انىقتالدى. وسىلايشا، «م- ت» ج ش س لاۋازىمدى تۇلعاسى بيۋدجەتتىك كرەديتتى ماقساتى بويىنشا جۇمساماعان. تەرگەۋ بارىسىندا ماتەريالدىق شىعىننىڭ ورنى تولىقتاي تولتىرىلدى. تەرگەۋ ناتيجەسى ءىسى بويىنشا توقتاتۋ تۋرالى پروتسەسسۋالدىق شەشىم قابىلداندى. ماتەريالدار قابىلدانعان شەشىمدى تەكسەرۋ ءۇشىن پروكۋرورعا جىبەرىلدى»، - دەپ حابارلادى اتىراۋ وبلىسى بويىنشا مەملەكەتتىك كىرىس دەپارتامەنتىنىڭ باسپا ءسوز قىزمەتىنەن.