قازاقستان يرانعا 200 «تالگو» ۆاگونىن جەتكىزەدى
بۇل تۋرالى كەشە ق ر و ك ك- دە وتكەن بريفينگتە «قازاقستان تەمىر جولى» ۇ ك» ا ق- نىڭ باسقارما ءتوراعاسى اسقار مامين ءمالىم ەتتى.
«ەلەكتروۆوزدار بويىنشا ايتار بولسام، بىزدە ازەربايجانعا 40 ەلەكتروۆوز جەتكىزۋ تۋرالى كەلىسىمشارت بار. بۇگىنگى كۇنى ونى باسقا دا ەلدەرگە جەتكىزۋ ماسەلەسىن قاراستىرۋدامىز. بۇگىندە ۇلكەن نارىق اشىلىپ وتىر. ول - يران. ول جاققا ءبىزدىڭ «تالگو» قۇرامىن جىبەرگەن بولاتىنبىز. ءبىر اي جۇمىس ىستەپ، وتە جاقسى پىكىرگە يە بولدى. بۇگىنگى كۇنى يران نارىعىنا 200 جولاۋشىلار ۆاگونىن ەكسپورتتاۋ بويىنشا كەلىسسوزدەر جۇرگىزۋدەمىز»، - دەدى ول.
باسقارما ءتوراعاسىنىڭ اتاپ وتۋىنشە، كومپانيانىڭ ەكسپورتقا شىعاراتىن تاۋارلارى سان الۋان.
«ءبىز زاۋىتتارىمىزدىڭ ونىمدەرىن ەكسپورتقا شىعارامىز. وزدەرىڭىزدە بىلەتىندەي، ءبىزدىڭ تەپلوۆوزدارىمىز ورتالىق ازيا ەلدەرىندە سۇرانىسقا يە. بالتىق جاعالاۋ ەلدەرىندە دە تەپلوۆوزدارىمىزدى جەتكىزۋ تەندەرلەرىنە قاتىسۋىمىز قاجەت. ول جاقتىڭ ەكسپورتتىق الەۋەتى وتە جوعارى. ءبىز ونى جۇزەگە اسىرۋعا نيەتتىمىز»، - دەدى ا. مامين.
سونىمەن قاتار «ق ت ج» باسشىسى ۋكراينا تاراپىنان دا قازاقستاندىق تەپلوۆوزدارعا سۇرانىستىڭ جوعارى بولىپ وتىرعاندىعىن باسا ايتتى.
«سوندىقتان دا بارلىق ەكسپورتتىق باعىتتاردا مۇمكىندىگىمىزشە جۇمىس ىستەۋگە تىرىسۋدامىز»، - دەدى ول.
اۆتور: مارلان جيەمباي
