19:19, 29 - مامىر 2015 | GMT +6
ەكۆادوردا 200 مىڭ اكۋلا قاناتى تاركىلەندى
استانا. قازاقپارات- ەكۆادور پوليتسياسى براكونەرلەردىڭ جولىن كەستى. جەرگىلىكتى قۇقىق قورعاۋ قىزمەتكەرلەرى اكۋلا جۇزبەقاناتىنىڭ 200 مىڭعا جۋىق داناسىن تاركىلەدى. قىلمىستىق ىسكە قاتىستى 6 ادام قاماۋعا الىندى.
تابىسقا كەنەلمەك بولعان قاسكۇنەمدەر 50 مىڭعا جۋىق جىرتقىش بالىقتى سويىپ سالعان كورىنەدى. كونتراباندالىق جولمەن الىنعان تاۋاردىڭ قارا نارىقتارعى قۇنى 1,5 ميلليون دوللارعا باعالانىپ وتىر.
ايتا كەتەيىك، اكۋلا جۇزبەقاناتتارىنان جاسالعان سورپا قىتايدا جەڭسىك اس سانالادى.
راميرو ورتەگا، ەكۆادور سوت پوليتسياسى باستىعىنىڭ ورىنباسارى - براكونەرلەر زاڭسىز تاۋاردى حالىقارالىق نارىققا شىعارماق بولعان. ءبىزدىڭ پايىمداۋىمىزشا، ازيا ەلدەرىنە جونەلتۋدى جوسپارلاعان كورىنەدى.
www.24.kz