قازاقستان جاستارى الەمنىڭ 200 ۇزدىك جوعارى وقۋ ورىندارىندا ءبىلىم الۋدا

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە «حالىقارالىق باعدارلامالار ورتالىعى» ا ق پرەزيدەنتى عاني نىعمەتوۆ ءمالىم ەتتى.

 اعىمداعى جىلى 780 ادام «بولاشاق» باعدارلاماسىنىڭ ستيپەندياتى اتانعانىن ەسكە سالعان ول: «ماگيستراتۋرا باعدارلاماسىنا - 457، دوكتورانتۋراعا - 25 جانە تاعىلىمدامادان ءوتۋ ءۇشىن - 298 ستيپەنديا تاعايىندالدى»، - دەدى.

ونىڭ اتاپ وتۋىنشە، ستيپەندياتتاردىڭ 121- ءى - مەملەكەتتىك قىزمەتشىلەر، 72- سى - عىلىمي پەداگوگ قىزمەتكەرلەر، 101- ءى - ج و و تۇلەكتەرى، 298- ءى- تاعىلىمدامادان وتۋشىلەر، 150- ءى - ءوز بەتىمەن وقۋعا تۇسكەندەر، 4  مادەني قىزمەتكەرلەر، 34- ءى -  ب ا ق قىزمەتكەرلەرى.

«بۇگىنگى كۇنى الەمنىڭ ەكى ءجۇز ۇزدىك جوعارى وقۋ ورنىندا 1823 ستيپەنديات وقۋدا. ستيپەندياتتاردىڭ باسىم بولىگى مىنا ەلدەردە:  ۇلى بريتانيادا - 931، ا ق ش پەن كانادادا - 648، ەرۋوپا ەلدەرىندە - 229، ازيادا - 63، رەسەيدە - 52 ادام ءبىلىم الۋدا»، - دەدى ع. نىعمەتوۆ.

 اۆتور: مارلان جيەمباي