اقتاۋلىق وقۋشى 200 ەسەپتى 8 مينۋتتا شىعارىپ، الەمدى اۋزىنا قاراتتى

استانا. قازاقپارات - وقۋشىلار اراسىندا «كالكۋلياتور» اتانىپ كەتكەن اقتاۋلىق وقۋشى مالايزيادا وتكەن اۋىزشا ەسەپتەۋ وليمپياداسىندا شاپشاڭدىعىمەن تالايدى تاڭعالدىردى دەپ حابارلايدى حابار24.

الەمنىڭ 45 ەلىنەن كەلىپ، 3 مىڭ بالا قاتىسقان جارىستا ورىنگۇل ارىستان 200 ەسەپتى 8 مينۋتتىڭ ىشىندە شىعارىپ، (ياعني ءبىر ەسەپكە 2,5 سەكۋند جۇمساعان) باس جۇلدەنى جەڭىپ الدى.

ايتا كەتەيىك، 1 مينۋتتا 25-30 ەسەپكە دەيىن ويشا شىعارا الاتىن ورىنگۇلدى اناسى بىلتىر مەنتالدى اريفمەتيكاعا ۇيرەتەتىن ورتالىققا بەرگەن.

تالانتتى وقۋشى ءبىر جىل ىشىندە كۇردەلى ەسەپتەردى ءاپ-ساتتە شىعارۋدى مەڭگەرىپ العان. ەكى تاڭبالى ساندى ەكى سەكۋندتا ەش قيىندىقسىز الىپ، قوسىپ، كوبەيتە الاتىن ول ءۇش تاڭبالى ساندى ەسەپتەۋدى قولعا العان.