ءسۇيىنبايدىڭ 200 جىلدىعىنا ارنالعان حالىقارالىق ايتىستا قىتاي ەلىنەن كەلگەن ايتىسكەر 3- ورىندى يەلەندى
وبلىس اكىمىنىڭ ورىنباسارى باقتيار ونەربايەۆ جينالعان قاۋىمدى تويدىڭ باستالۋىمەن قۇتتىقتاپ، اقىندارعا ساتتىلىك تىلەدى. ب. ونەربايەۆ ايتىستىڭ ارداگەرى نادەجدا لۋشنيكوۆاعا شاپان جاپسا، اقىن اپا تويعا جىردان شاشۋ شاشتى.
ايتىسقا ايبەك قاليەۆ، اينۇر تۇرسىنبايەۆا، بالعىنبەك يماشيەۆ، جانداربەك بۇلعاقوۆ سىندى ەلىمىزدىڭ ساڭلاقتارىمەن قاتار قىرعىزستان، موڭعوليا، قىتاي حالىق رەسپۋبليكاسىنان اقىندار قاتىستى.
جازۋشى، ق ر ەڭبەك سىڭىرگەن قايراتكەرى، «قازاق ادەبيەتى» گازەتىنىڭ باس رەداكتورى جۇماباي شاشتاي ۇلى ءتوراعالىق ەتكەن قازىلار القاسى ءسوز سايىسىنا باعا بەردى.
اقىندار ايتىس بارىسىندا ەلدىك ماقسات- مۇراتتاردى، ءسۇيىنباي اقىننىڭ ماڭگىلىك مۇراسىن، ەلدىڭ بەرەكە- بىرلىگىن اسقاقتاتا جىرلادى.
ايتىستىڭ قورىتىندىسى بويىنشا باس جۇلدەگە جەتىسۋلىق جانداربەك بۇلعاقوۆ يە بولىپ، جەڭىل اۆتوكولىكتىڭ كىلتىن الدى. ال ءبىرىنشى ورىن استانالىق سىرىم اۋەزحانعا، ەكىنشى ورىن اينۇر تۇرسىنبايەۆاعا، قوس ءۇشىنشى ورىن اياگوز سەرىك قىزى مەن قىتاي ەلىنەن كەلگەن ارزىگۇل قايىمبەك قىزىنا بەرىلىپ، جۇلدەگەرلەر مەن باسقا دا ارنايى سىيلىق يەلەرىنە قارجىلاي سىي- سياپات ۇسىنىلدى.
