مۇعالىمدەردىڭ جالاقىسى %20-50 عا كوبەيەدى - ا. ءسارىنجىپوۆ

ءبىلىم جانە عىلىم ءمينيسترى اسلان ءسارىنجىپوۆتىڭ مالىمەتىنشە، كەلەسى جىلدىڭ بيۋدجەتىنەن مۇعالىمدەردىڭ جالاقىسىن كوبەيتۋ ءۇشىن 200 ميلليارد تەڭگە بولىنەدى.
«جاڭا وقۋ جىلى مۇعالىمدەر ءۇشىن جاقسى جاڭالىقپەن باستالعالى وتىر. مەملەكەت باسشىسىنىڭ تاپسىرماسىنا وراي، بۇگىن ەل ۇكىمەتى بەسىنشى شاقىرىلىمدا بەسىنشى سەسسياسىن اشقان پارلامەنتتىڭ قاراۋىنا 2016 -جىلعا ارنالعان بيۋدجەتتىڭ جوباسىن ەنگىزدى. بيۋدجەت جوباسىندا ۇستازداردىڭ كاتەگورياسىنا، ەڭبەك ءوتىلى مەن بىلىكتىلىك دەڭگەيىنە قاراي، جالاقىلارىن كوبەيتۋ قاراستىرىلعان. وسىلايشا، 2016 -جىلدان باستاپ، ەلىمىزدەگى ۇستازداردىڭ جالاقىسى 20-50 پايىزعا دەيىن كوبەيەدى. بۇل ءۇشىن بيۋدجەتتەن قوسىمشا 200 ميلليارد تەڭگەگە جۋىق اقشا بولىنەدى. مەنىڭ ويىمشا، بۇل - ەلىمىزدىڭ ءبىلىم سالاسىنداعى جاقسى جاڭالىقتىڭ ءبىرى. قيىن كەزەڭدەرگە قاراماستان، مەملەكەت باسشىسى ءبىلىم سالاسىنا، ۇستازداردىڭ الەۋمەتتىك جاعدايىنا ەرەكشە كوزقاراس تانىتىپ كەلەدى. سوندىقتان، ۇستازداردىڭ اتىنان ەلباسىنا العىسىمدى ايتقىم كەلەدى»، - دەدى ا. ءسارىنجىپوۆ.
ەستەرىڭىزگە سالا كەتەيىك، ءبىلىم جانە عىلىم ءمينيسترى بۇگىن استانا قالاسىندا №81 -مەكتەپ گيمنازيانىڭ اشىلۋىنا قاتىستى.
اۆتور: كەنجەكەي توقتامۇرات قىزى