كوروناۆيرۋسقا 20-40 جاسقا دەيىنگى جاستار ءجيى شالدىعادى – دارىگەر
ونىڭ ايتۋىنشا، ۆيرۋس جۇقتىرعانداردىڭ %37 20 مەن 40 جاس ارالىعىنداعى ازاماتتار.
«قازىر بالالاردىڭ كوروناۆيرۋستى جەڭىل قابىلدايتىنى انىقتالدى. ءبىراق 6-12 ايدان كەيىن كوپشىلىگىندە پوستكوۆيدتى سيندروم پايدا بولادى. ول كەز كەلگەن ورگانعا اسەر ەتەدى ءارى دەرت وتە اۋىر بولادى. سوندىقتان اتا- انالار بارىنشا ساق بولۋىلارى ءتيىس. كوبىنەسە سىرقاتتانعان بالالاردىڭ قانىندا يممۋنوگلوبۋلين م تاپپايتىنىمىزدى ەسكەرگەن ءجون (بۇل كوۆيدتى كورسەتەدى). سونىمەن قاتار، ءبىراز ۋاقىتتان كەيىن دەنەدە قورعانىش دەنەلەرى (يممۋنوگلوبۋلين G) پايدا بولادى. ولار تاسىمالداناتىن كوروناۆيرۋس تۋرالى ايتادى. بۇل - جۇمباق»، - دەيدى ف. اعىبايەۆا.
دارىگەر ءمالىم ەتكەندەي، ءبىر جاسقا دەيىنگى جانە سوزىلمالى پاتولوگياسى بار بالالار كوروناۆيرۋسپەن ءجيى اۋىرادى. بۇعان دەيىن الماتى قالاسىنىڭ سانيتارلىق- ەپيدەميولوگيالىق باقىلاۋ دەپارتامەنتى سوڭعى ەكى اپتادا ناۋقاستاردىڭ جاسىنا تالداۋ جاسالعانىن، وعان سايكەس جاسوسپىرىمدەر اراسىندا ك ۆ ي ينفەكتسياسىنىڭ ۇلەسى %0,7 عا جانە 40-59 جاستاعى ازاماتتاردا %0,8 عا وسكەنىن حابارلاعان بولاتىن. نەگىزىنەن، كوروناۆيرۋس ينفەكتسياسى 20-40 جاسقا دەيىنگى جاستاردا - %37، 40-59 جاستاعى ازاماتتاردا - %25، 60 جاستان اسقان ادامداردا - %19 جانە 14 جاسقا دەيىنگى بالالاردا -%13 كەزدەسەدى.
«كوبىنەسە كوروناۆيرۋس وتباسىندا جۇعادى، بالالار اتا- اناسىنان جۇعۋى مۇمكىن. سوندىقتان، بۇگىندە بالالاردىڭ قوعامدىق ورىندارعا بارۋىن شەكتەۋگە تىرىسۋ كەرەك. ولاردى وزىڭىزبەن دۇكەندەرگە اپارماڭىز جانە ولارمەن قوعامدىق كولىكپەن سيرەك ءجۇرىڭىز. ال ءقازىر اتا- انالار ءۇشىن كوروناۆيرۋسقا قارسى ۆاكسينا الۋ ماڭىزدى. بۇل، بالالاردىڭ ىندەتتى جۇقتىرماۋ مۇمكىندىگىن ارتتىرادى»، - دەدى ف. اعىبايەۆا.
باس دارىگەر بەتپەردە رەجيمىن ساقتاۋدىڭ وتە ماڭىزدى ەكەنىن ايتتى. مىسالى، ماتادان جاسالعان بىررەتتىك مەديتسينالىق ماسكالار 3 م ك م اساتىن اەروزولدەردىڭ %95 ۇستاۋعا قابىلەتتى.
«ديامەترى كىشىرەك بولشەكتەردىڭ تەك %5 عانا قورعانىس قۇرىلعىسىنا ەنىپ، تىنىس الۋ جۇيەسىنە ەنە الادى. 4 قاباتتى ماتادان نەمەسە تىعىز جاساندى كەنەپتەن جاسالعان قايتا قولدانىلاتىن ماسكا ءىس جۇزىندە بىررەتتىك بۇيىمدار سياقتى ءتيىمدى. ەڭ الدىمەن، ناۋقاس بەتىنە ج ق ق كيۋى كەرەك، وسىلايشا اۋزىنان جانە مۇرنىنان شىققان فيزيولوگيالىق سۇيىقتىق بەتپەردەدە قالادى»، - دەيدى ف. اعىبايەۆا.
دەنى ساۋ ادام دا بەتپەردە تاعۋى ءتيىس. سەبەبى ناۋقاس ادامنان نەمەسە ۆيرۋستى تاسىمالداۋشىدان جۇقتىرۋى مۇمكىن. بىررەتتىك ماسكانى 2-3 ساعات بويى تاعۋعا بولادى. قايتا قولدانۋعا بولاتىن ماسكانى بىرنەشە رەت تاعۋعا بولادى. قولدانعاننان كەيىن ونى ۇنتاق پەن دەزينفەكتسيالاۋشى قوسىلعان ىستىق سۋمەن جۋىپ، كەپتىرىپ، ۇتىكتەۋ كەرەك.
