كوروناۆيرۋس: 20-21-ماۋسىمدا قانداي شەكتەۋلەر بولادى

نۇر-سۇلتان. قازاقپارات - الداعى دەمالىس كۇندەرى قازاقستاننىڭ ءبىرقاتار قالاسىندا كارانتيندىك شەكتەۋ شارالارى كۇشەيتىلەدى، دەپ حابارلايدى قازاقپارات پرەمەر-ءمينيسترىنىڭ باسپا ءسوز قىزمەتىنە سىلتەمە جاساپ.

1. نۇر-سۇلتان، الماتى، قاراگاندى، شىمكەنت، پاۆلودار، ەكىباستۇز قالالارى بويىنشا:

• ساۋدا ويىن- ساۋىق ورتالىقتارىنىڭ، ساۋدا ۇيلەرىنىڭ، جەلىلىك دۇكەندەردىڭ، جابىق ازىق- تۇلىك جانە باسقا دا بازارلاردىڭ قىزمەتى توقتاتىلادى؛

• قوعامدىق تاماقتانۋ ورىندارى تەك دالادا ء ارى الەۋمەتتىك اراقاشىقتىقتى ساقتاپ قانا جۇمىس ىستەۋى ءتيىس؛

• قوعامدىق كولىكتەردىڭ قىزمەتى شەكتەلەدى؛

• قوعامدىق دەمالىس ورىندارى: پاركتەر، ساياباقتار، جاعالاۋلار، جاعاجايلار، اكۆاپاركتەر قىزمەتى توقتاتىلادى؛

• فيتنەس- ورتالىقتارىنىڭ قىزمەتى توقتاتىلادى؛

• 65 جاستان اسقان ادامداردىڭ دالاعا شىعۋى شەكتەلسىن.

2. تۇرعىندارىنىڭ سانى 50 مىڭنان اساتىن ەلدى مەكەندەر بويىنشا:

• قوعامدىق ورىنداردىڭ: پاركتەر، ساياباقتار، جاعالاۋلار، جاعاجايلار، اكۆاپاركتەر جۇمىسى توقتاتىلادى؛

• 65 جاستان اسقان ادامداردىڭ دالاعا شىعۋى شەكتەلسىن.

3. وڭىرلەردىڭ باس سانيتارلىق دارىگەرلەرىنىڭ قاۋلىلارىنا سايكەس، نۇر-سۇلتان، الماتى، قاراعاندى، شىمكەنت، پاۆلودار جانە ەكىباستۇز قالالارىنا اۋماقتىق جاقىن ورنالاسقان تۋريستىك ايماقتارعا كىرۋگە تىيىم سالۋ ال اتالعان ايماقتارداعى ادامدارعا - الەۋمەتتىك قاشىقتىقتى ساقتاۋ قاجەت. ەسكە سالساق، ق ر پرەمەر-ءمينيسترى اسقار ماميننىڭ توراعالىعىمەن ق ر اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆ ا ك) سەلەكتورلىق وتىرىسى ءوتتى.

ق ر پرەزيدەنتى قاسىم-جومارت توقايەۆتىڭ تاپسىرماسىنا سايكەس قازاقستانداعى ەپيدەميولوگيالىق جاعدايدى تۇراقتاندىرۋ بويىنشا قوسىمشا شارالار قارالعان بولاتىن. كەشە پرەزيدەنت قاسىم-جومارت توقايەۆۇكىمەت ەپيدەميولوگيالىق جاعدايدى تۇراقتاندىرۋ شارالارىن جاريالايدى دەگەن ەدى.