ارحەولوگتار ۆلاديۆوستوك ماڭىندا شامامەن 2,8 مىڭ جىلدىق تاريحى بار قونىستى تاپتى

استانا. قازاقپارات - قيىر شىعىس فەدەرالدىق ۋنيۆەرسيتەتىنىڭ ارحەولوگتارى ۆلاديۆوستوك قالاسىنىڭ سىرتىنداعى مۋراۆينايا ايلاعىنىڭ ماڭىندا شامامەن 2,8 مىڭ جىلدىڭ تاريحى بار ەجەلگى قونىستى تاپتى، دەپ حابارلادى ت ا س س.

چەرەپاحا ءمۇيىسىنىڭ اۋدانىندا تابىلعان قونىس يانكوۆ ارحەولوگيالىق مادەنيەتىنە جاتادى.

«7 باسپاناعا ارنالعان قازان شۇڭقىر مەن 2,5 مىڭنان استام ءتۇرلى زات تابىلدى. ەرەكشە جادىگەرلەردىڭ ءبىرى بۇعىنىڭ ءمۇيىز سۇيەگىنەن جاسالعان قۇرىلعى بولشەگى. عالىمداردىڭ پايىمىنشا، بۇل زاكىردىڭ بولىگى. ويتكەنى وسى كەزەڭنىڭ ەجەلگى ادامدارى اڭشىلىقپەن عانا ەمەس، سونىمەن قاتار بالىق اۋلاۋمەن دە اينالىسقان»، - دەپ حابارلادى قيىر شىعىس فەدەرالدىق ۋنيۆەرسيتەتىنىڭ باسپا ءسوز قىزمەتىنەن.