انتاركتيدادان كولەمى پاريجدەن 2,5 ەسە ۇلكەن ايسبەرگ ءبولىنىپ شىقتى

بۇل جولعىسىنىڭ كولەمى پاريجدەن ەكى جارىم ەسە ۇلكەن، دەپ حابارلايدى Baq.kz اقپارات اگەنتتىگى life.ru-عا سىلتەمە جاساپ.
ايسبەرگ ادەتتەگىدەي پاين-ايلەندتىڭ شەتىنەن ەمەس، ىشكى جاعىنان بولىنگەن. ونىڭ اۋماعى 250 شارشى شاقىرىمنان اسادى.
عالىمدار مۇنى مۇزدىقتارعا اسەر ەتەتىن جىلى مۇحيت سۋىمەن بايلانىستىردى. سوڭعى كەزدەرى مۇزدىقتاردىڭ ەرۋى جىلدامداعان، بۇل زەرتتەۋشىلەردى قاتتى الاڭداتىپ وتىر. ەگەر پاين-ايلەند تولىعىمەن ەرىپ كەتسە، تەڭىز دەڭگەيى 0,5 مەترگە كوتەرىلىپ، سوڭى ۇلكەن اپاتقا اپارۋى مۇمكىن.
ەستەرىڭىزگە سالىپ وتسەك، وسى جازدا انتاركتيدادان بۇدان دا ۇلكەن - 6 مىڭ شارشى شاقىرىمدىق ايسبەرگ بولىنگەن بولاتىن. ەگەر وسى جولى بولىنگەن ايسبەرگ كولەمى جاعىنان ءبىر ورىنبورداي نەمەسە پاريجدەن ەكى جارىم ەسەگە ۇلكەن بولسا، مۇنىڭ الدىڭعىسى ماسكەۋدەن 2,5 ەسە ۇلكەن ەدى.
ەستەرىڭىزگە سالىپ وتسەك، بۇعان دەيىن انتاركتيدادان ءبىر تريلليون توننا بولاتىن ايسبەرگ بولىنگەن بولاتىن.