دوپينگ تابىلعالى مەنى اپتاسىنا 2-3 رەت تەكسەرەدى - ساۋل الۆارەس

استانا. قازاقپارات - مەكسيكالىق بوكسشى ساۋل الۆارەس (49-1-2، 34 ك و) قازاقستاندىق بىلعارى قولعاپ شەبەرى گەننادي گولوۆكينمەن (38-0-1، 34 ك و) جەكپە-جەك الدىندا VADA- نىڭ دوپينگكە قارسى باعدارلاماسىنا قاتىسۋى تۋرالى ايتتى، دەپ حابارلايدى Sports.kz.

«مەن ۇنەمى ەرىكتى تۇردە دوپينگ سىناماسىن تاپسىرامىن. سول وقيعادان كەيىن (اقپاندا الىنعان ەكى دوپينگ سىناماسىنان بوكسشىلارعا تىيىم سالىنعان زات كلەنبۋتەرول تابىلعان - رەد.) جازىلدىم بۇعان. ولار مەنى تەكسەرۋدى جالعاستىرىپ جاتىر. اپتاسىنا ەكى-ءۇش رەت كەلەدى. سول وقيعادان كەيىن 15-20 رەت تەست تاپسىردىم»، - دەيدى «كانەلو».

ەسكە سالا كەتەيىك، 17- جانە 20- اقپاندا الىنعان دوپينگ سىناماسىنان كەيىن بوكسشى التى ايعا سپورتتان شەتتەتىلگەن بولاتىن.

گولوۆكينمەن ەكىنشى كەزدەسۋ 15-قىركۇيەكتە لاس-ۆەگاستا وتەدى.