تۇركياداعى 1 ميلليونعا جۋىق بوسقىن سيرياعا قايتارىلادى

ماسەلەن، تۋعان جەرىنە 600 مىڭعا جۋىق بوسقىن قايتقان. ىشكى ىستەر مينيسترلىگىنىڭ مالىمەتىنشە، ەلدە 4 ميلليون 888 مىڭنان استام «تۇراقتى» يمميگرانت بار. دەنى تىركەلگەن. 3 ميلليوننان استامىندا ۋاقىتشا پانالاۋشى ستاتۋسى بار.
بيىلعى پرەزيدەنتتىك سايلاۋدا «بوسقىن ماسەلەسى» ۇلكەن داۋعا اينالىپ، حالىق پىكىرى قاق جارىلعان. ءبىرى بوسقىنداردى ەلىنە قايتارۋ كەرەك دەسە ەكىنشى بولىگى ولارعا تولەرانتتىق تانىتادى.
رەجەپ تايىپ ەردوعان، تۇركيا پرەزيدەنتى:
- سيريادا تۇرعىن ءۇي جوباسى اياسىندا 240 مىڭ وتباسىنان قۇرالعان جالپى سانى 1 ميلليون بوسقىندى قايتارۋدى جوسپارلاپ وتىرمىز. كاتاردىڭ قارجىلىق قولداۋىمەن جۇزەگە اسىرعان تۇراقتى تۇرعىن ءۇي جوباسى بويىنشا جۇمىستار جالعاسۋدا. ءبىزدىڭ ۇلكەن قالالاردا، اسىرەسە ىستامبۋلدا تەكسەرۋلەر قاتاڭ تۇردە جۇرگىزىلەدى. قىلمىسقا ارالاسىپ، قوعامىمىزدىڭ تىنىشتىعىن بۇزعاندار دەپورتاتسيالانادى. سوڭعى 6 ايدا 36 مىڭ يمميگرانت ۇستالىپ، 16 مىڭى كەرى قايتارىلدى.
www.24.kz