زاڭگەر بۇرحان جانسەيىتوۆتى قاماۋدا ۇستاۋ مەرزىمى 1 ايعا ۇزارتىلدى

استانا. قازاقپارات - زاڭگەر بۇرحان جانسەيىتوۆكە قاتىستى تەرگەۋ امالدارىنا بايلانىستى ونى قاماۋدا ۇستاۋ مەرزىمى 10- مامىرعا دەيىن ۇزارتىلدى، دەپ حابارلايدى قازاقپارات ءتىلشىسى الماتى قالالىق سوتىنىڭ باسپا ءسوز قىزمەتىنە سىلتەمە جاساپ.

«الماتى قالاسى مامانداندىرىلعان اۋدانارالىق تەرگەۋ سوتىنىڭ 2023-جىلعى 7- ساۋىردەگى حابارلاماسى بويىنشا سوت قاۋلىسىمەن سوتقا دەيىنگى تەرگەپ-تەكسەرۋ ورگانىنىڭ ءوتىنىشحاتى قاناعاتتاندىرىلدى. ج. -عا قاتىستى قىلمىستىق ءىس ماتەريالدارىمەن تانىسۋ كەزەڭىندە قاماۋدا بولۋ مەرزىمىن 1 ايعا، ياعني 2023-جىلعى 10- مامىرعا دەيىن ۇزارتۋعا سانكسيا بەرىلدى»، - دەلىنگەن رەسمي حابارلامادا.

ەسكە سالساق، وتكەن جىلدىڭ 15- شىلدەسىندە قارجى مونيتورينگى اگەنتتىگى ادۆوكات بۋرحان جانسەيىتوۆ قۇقىق قورعاۋ ورگاندارىنىڭ جۇمىسىنا كەدەرگى كەلتىرگەنى ءۇشىن قاماۋعا الىنعانىن حابارلادى.

17- شىلدەدە «قاماۋدا ۇستاۋ» تۇرىندەگى بۇلتارتپاۋ شاراسىنان باس تارتىلىپ، ول «ءۇيقاماققا» اۋىستىرىلدى.

سول كۇنى رەسپۋبليكالىق ادۆوكاتتار القاسى ب. جانسەيىتوۆكە قاتىستى مالىمدەمە جاسادى.