مايمىل شەشەگىن جۇقتىرۋ بويىنشا الەمدە 1-ورىنعا شىققان ەل بەلگىلى بولدى

نۇر-سۇلتان. قازاقپارات - امەريكا قۇراما شتاتتارى مايمىل شەشەگىن جۇقتىرۋدىڭ جەكەلەگەن ەلدە تىركەلگەن جاعدايلارىنىڭ سانى بويىنشا الەمدە ءبىرىنشى ورىنعا شىقتى، دەپ حابارلايدى COVID-19 تارالۋىنا جول بەرمەۋ جونىندەگى ۆ ا ك باسپا ءسوز قىزمەتى.

بۇعان دەيىن اۋرۋلاردى باقىلاۋ جانە الدىن الۋ ورتالىعى ا ق ش- تا ۆيرۋستىق اۋرۋدىڭ تارالۋى تۋرالى دەرەكتەردى جاڭارتتى. سوڭعى مالىمەتتەر بويىنشا، ەلدە مايمىل شەشەگىن جۇقتىرۋدىڭ 3487 جاعدايى انىقتالدى.

جاعدايلاردىڭ ەڭ كوپ سانى نيۋ-يورك (990)، كاليفورنيا (356) جانە يللينويس (344) شتاتتارىندا تىركەلدى. ينفەكسيانى جۇقتىرۋ جاعدايلارىنىڭ كوبەيۋى تەستىلەۋدى وتكىزۋ ءۇشىن مۇمكىندىكتەردىڭ كەڭەيۋى اياسىندا جانە الەمدە اۋرۋدىڭ وسۋىنە بايلانىستى ورىن الادى. ساراپشىلار ينفەكسيانى جۇقتىرۋدىڭ ناقتى سانى ايتارلىقتاي جوعارى بولۋى مۇمكىن دەيدى. دۇنيەجۇزىلىك دەنساۋلىق ساقتاۋ ۇيىمى (د د ۇ) الەمدە مايمىل شەشەگىنىڭ تارالۋىن توقتاتۋعا بولادى دەپ سانايدى. بۇل تۋرالى د د ۇ شەشەكپەن كۇرەس جونىندەگى حاتشىلىعىنىڭ باسشىسى روزامۋند ليۋيس مالىمدەدى.

«قازىرگى ۋاقىتتا ءبىز مايمىل شەشەگىنىڭ ءورشۋىن قاجەتتى توپتارعا قاتىستى دۇرىس ستراتەگيالاردى قولدانۋ ارقىلى توقتاتۋعا بولادى دەپ سانايمىز، ءبىراق ۋاقىت ءوتىپ جاتىر جانە بۇل ءۇشىن ءبارىمىز بىرىگۋىمىز كەرەك»، - دەدى ليۋيس.

ول د د ۇ شەشەكپەن كۇرەسۋدىڭ جاھاندىق ۇيلەستىرۋ تەتىگىن جاساپ جاتقانىن، ءبىراق ازىرگە ءبارى تالقىلاۋ دەڭگەيىندە ەكەنىن ايتتى. پاريجدە فرانسياداعى العاشقى مايمىل شەشەگىنە قارسى ۆاكسيناتسيالاۋ ورتالىعى اشىلدى. كۇن سايىن 200-300 ادامدى ەگۋ جوسپارلانۋدا. قازىرگى ۋاقىتتا فرانسيادا 1700 جاعداي تىركەلگەن. پاريجدى قالا ماڭىمەن قامتيتىن يل- دە- فرانس ايماعى ەڭ پروبلەمالى بولىپ سانالادى. مۇندا ۆاكسينانىڭ شامامەن 300 مىڭ دوزاسى قاجەت، دەيدى ماماندار. بۇعان دەيىن بيلىك قاۋىپتى توپتاردىڭ وكىلدەرىنەن مايمىل شەشەگىنە قارسى ەكپە الۋدى وتىنگەن. مۇنداي توپتارعا ەڭ الدىمەن گوموسەكسۋالدار، ترانسگەندەر جانە جەزوكشەلىكپەن اينالىساتىن ادامدار كىرەدى.