كۇنىنە 1 ستاقان ءسۇت ىشسە اعزادا قانداي وزگەرىستەر بولادى؟

الايدا جاقىندا وعان دەگەن كوزقاراس وزگەردى: ەگەر بۇرىن ءسۇت اپريوري پايدالى دەپ سانالسا، ەندى بۇل سۋسىننىڭ دا كەمشىلىكتەرى بار ەكەنى بەلگىلى بولدى. كەيبىر ديەتولوگتار ەرەسەكتەر سۇتتەن مۇلدەم باس تارتۋ كەرەك دەپ سانايدى.
ەندەشە كۇندەلىكتى ءبىر ستاقان ءسۇت ءىشۋدى ادەتكە اينالدىرساڭىز، اعزاڭىزدا قانداي وزگەرىستەر بولاتىنىن انىقتاپ كورەيىك.
سالماق قوساسىز
ديەتولوگ ولەگ كريۆچەنكوۆتىڭ ايتۋىنشا، ءسۇت، نەگىزىنەن، سالماقتى مۇمكىندىگىنشە تەز ارتتىرۋعا كومەكتەسەدى.
«ءسۇت قۇرامىندا جوعارى كالوريالى كومىرسۋلار، نەگىزىنەن ديساحاريدتەر جانە سۋسىنعا اق ءتۇس بەرەتىن ماي سۋسپەنزياسى بار. سيىر سۇتىندە بۇلشىقەت ماسساسىنىڭ ءوسۋىن ىنتالاندىراتىن گورموندار مەن دارۋمەندەر بار. بۇل بيولوگيالىق ماعىنادا بۇزاۋ تەز ورنىنان تۇرىپ، قاۋىپتەن قاشىپ كەتۋى ءۇشىن قاجەت. ءدال وسىنداي نارسە ادام اعزاسىندا بولىپ، سالماق قوسىلادى. ەگەر ءسۇتتى تۇراقتى تۇردە ىشەتىن بولساڭىز عانا سەمىرەسىز. ارتىق ماي جيناماۋ ءۇشىن سپورتپەن اينالىسۋ كەرەك. بوديبيلدەر بۇلشىقەت ءوسىرۋ ءۇشىن ءسۇت ىشەدى»، - دەيدى دارىگەر.
سوندىقتان ءسۇتتى جاقسى كورەتىن بولساڭىز، فيزيكالىق بەلسەندىلىكتى جاقسى كورۋىڭىز كەرەك.
ءوزىڭىزدى جۇرەك جانە قان تامىرلارى اۋرۋلارىنان قورعايسىز
عالىمدار انىقتاعانداي ءسۇت جۇرەك پەن قان تامىرلارىنا پايدالى. اۋستراليا مەن ۇلىبريتانيانىڭ بىرنەشە ۋنيۆەرسيتەتتەرىنىڭ ساراپشىلارى 2 ميلليونعا جۋىق ادامنىڭ دەرەكتەرىن پايدالانعان ءۇش ۇلكەن پوپۋلياتسيالىق زەرتتەۋدى تالداپ، كۇنىنە ءبىر ستاقان ءسۇت ىشەتىن ادامداردا ينسۋلت پەن جۇرەكتىڭ يشەميالىق اۋرۋى قاۋپى %14 تومەندەيدى دەگەن قورىتىندىعا كەلدى.
ءتىسىڭىز بەن سۇيەكتەرىڭىز قاتايادى
ساۋ تىستەر مەن سۇيەكتەر ءۇشىن نەگىزگى مينەرالداردىڭ ءبىرى - كالسي. ال ءسۇت، كالتسيدىڭ نەگىزگى كوزدەرىنىڭ ءبىرى.
ەرەسەك ادام ءۇشىن كالتسييدىڭ تاۋلىكتىك مولشەرى 1000-1200 م گ ەكەنىن ەسكەرىڭىز. ال 100 گ سيىر سۇتىندە شامامەن 120 مگ كالتسيي بار.
دەگەنمەن، بۇل جەردە ماڭىزدى نيۋانس بار: سۇتتەن الىنعان كالتسي لاكتوزاعا توزبەۋشىلىكتەن زارداپ شەكپەيتىندەرگە عانا جاقسى سىڭەدى.
ۇيقى قانىق بولادى
سۇتتە ۇيقىنىڭ نەگىزگى رەتتەگىشى - مەلاتونينگە قاجەتتى تريپتوفان بار. سوندىقتان، جىلى ءسۇت ۇزاق ۋاقىت ۇيىقتاي المايتىندارعا شىنىمەن كومەكتەسەدى.
ءبىراق ۇيىقتار الدىندا ءبىر ستاقان ءسۇت ىشۋگە بولمايدى، ايتپەسە تۇندە ويانىپ، دارەتحاناعا جۇگىرۋ قاۋپى بار.
قاتەرلى ىسىككە شالدىعۋ ىقتيمالدىعى جوعارى
وكىنىشكە وراي، عالىمدار كۇندەلىكتى ءبىر ستاقان ءسۇت ءسۇت بەزى قاتەرلى ىسىگىنە شالدىعۋ ىقتيمالدىعىن ارتتىراتىنىن ايتادى.
ۇلتتىق ونكولوگيالىق ينستيتۋت پەن ۇلى بريتانيانىڭ دۇنيەجۇزىلىك ونكولوگيالىق زەرتتەۋلەر قورىنىڭ قولداۋىمەن جۇرگىزىلگەن زەرتتەۋ اياسىندا عالىمدار 8 جىل ىشىندە 50000-نان استام ايەلدىڭ دەرەكتەرىنە تالداۋ جاسادى. ەكسپەريمەنتكە قاتىسۋشىلاردىڭ جارتىسى ۆەگەتارياندىق ديەتانى ۇستانىپ، سويا سۇتىنە اۋىسسا، قالعاندارى مال ونىمدەرىن، ونىڭ ىشىندە سيىر ءسۇتىن ىشكەن.
اقىرىندا، ءسۇتتى كۇندەلىكتى تۇتىنۋ ءسۇت بەزى قاتەرلى ىسىگىنىڭ قاۋپىن 80 پايىزعا دەيىن ارتتىراتىنى انىقتالدى.
اقپارات دەرەككوزى: massaget.kz