نۇرتاي ابىقايەۆ، داريعا نازاربايەۆا، قۋانىش سۇلتانوۆ 1-دارەجەلى بارىس وردەنىمەن ماراپاتتالدى
«بۇگىن ەڭبەك ارداگەرى، كورنەكتى مەلمەكەت جانە قوعام قايراتكەرى، بەلگىلى عالىم مىرزاتاي جولداسبەك پەن تانىمال اقىن اقۇشتاپ باقتىگەرەيەۆا جانە كورنەكتى جازۋشى ءسابيت دوسانوۆ «وتان» وردەنىمەن ماراپاتتالاتىن بولدى. 1-دارەجەلى بارىس وردەنىمەن مەملەكەت جانە قوعام قايراتكەرلەرى - نۇرتاي ابىقايەۆ، داريعا نازاربايەۆا، قۋانىش سۇلتانوۆ جانە بەلگىلى عالىم تىلەكتەس ەسبولوۆ ماراپاتتالدى. سونداي-اق، 1-دارەجەلى «بارىس» وردەنى «زەنيت» ورال زاۋىتى» ا ق باس ديرەكتورى ۆياچەسلاۆ ۆاليەۆكە بەرىلەدى»، - دەدى مەملەكەت باسشىسى مەملەكەتتىك ناگرادالار يەگەرلەرىن ماراپاتتاۋ راسىمىندە.
سونداي-اق ENRC PLC كومپانياسىنىڭ اكسيونەرى - نەگىزىن قالاۋشى الەكساندر ماشكەۆيچكە، الماتى قالاسىنداعى «قازاق كونسەرت» مەملەكەتتىك كونسەرتتىك ۇيىمى» ر م ك ك فيليالىنىڭ ديرەكتورى التىنبەك قورازبايەۆقا، ەڭبەك ارداگەرلەرى: ن. ەسەنعارين، ت. سۇلەيمەنوۆ جانە ز. فەدوتوۆاعا 1-دارەجەلى «بارىس» وردەنى بەرىلدى.
ايتا كەتەيىك، اقوردادا مەملەكەت باسشىسىنىڭ جارلىعىمەن ەلىمىزدىڭ الەۋمەتتىك-ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى، بەلسەندى قوعامدىق قىزمەتى ءۇشىن ءبىر توپ ازامات مەملەكەتتىك ناگرادالارمەن ماراپاتتالدى.
بۇعان دەيىن پرەزيدەنت قاسىم-جومارت توقايەۆ تاۋەلسىزدىكتىڭ 30 جىلدىعى قارساڭىندا ەل ازاماتتارىنا العىس ايتقان ەدى. سونداي-اق ەلىمىزدىڭ ەڭ جوعارى اتاعى - «قازاقستاننىڭ ەڭبەك ەرى» ماراپاتى ءۇش ادامعا تابىس ەتىلدى.
