يتاليادا ۇيلەر 1 ەۋروعا ساتىلادى
ادەتتە مۇنداي مۇلىكتى ساتىپ الۋ ءۇشىن ەكى-بەس مىڭ ەۋرو كولەمىندە كەپىلدىك سالىمى قاجەت. مۇلىكتى ساتىپ العان ادام جوندەۋدى ۋاقىتىندا اياقتاعاننان كەيىن اقشاسى قايتارىلادى. لاۋرەنتسانا ۇكىمەتى ادامدارعا قوسىمشا اقىسىز ءۇي الۋعا كومەكتەسكىسى كەلەتىنىن ايتتى.
ايماقتاعى سالىق ستاۆكاسىنىڭ تومەن ەكەنىن ەسكەرە وتىرىپ، قۇجات اينالىمى ءۇشىن تولەم 2 مىڭ ەۋرودان 300 ەۋروعا دەيىن تومەندەتىلدى.
جىلجىمايتىن مۇلىكتى جوندەۋ جۇمىستارى ساتىپ الىنعاننان كەيىن ءۇش ايدان كەشىكتىرىلمەي باستالىپ، ءۇش جىل ىشىندە اياقتالۋى كەرەك.
قازىرگى ۋاقىتتا لاۋرەنتسانانىڭ ورتالىعىندا اۋدانى 40 تان 150 شارشى مەترگە دەيىنگى 10 ءۇي ساتىلادى. الايدا جوندەۋدى قاجەت ەتەتىن جانە جاڭا يەلەرىن كۇتكەن تاعى 40 ءۇي بار.
ەسكەرە كەتەتىن جايت، ساتىپ الۋشى ءۇيدى باستاپقى قالپىنا كەلتىرۋ ءۇشىن كەم دەگەندە 20 مىڭ ەۋرو جۇمساۋعا دايىن بولۋى كەرەك.
ايتا كەتەيىك، لاۋرەنتسانا (Laurenzana) - يتالياداعى كوممۋنا، بازيليكاتا اكىمشىلىك ايماعىنا قاراستى پوتەنتسا پروۆينتسياسىندا ورنالاسقان. قالانىڭ تۇراقتى تۇرعىنىنىڭ سانى - 2246 ادام. حالىق تىعىزدىعى - 24 ادام/ك م². الىپ جاتقان جەر اۋماعى 95 ك م² شاماسىندا.
massaget.kz