قىتايدا ينتەرنەت پايدالانۋشىلاردىڭ سانى 1 ميللياردقا جۋىقتادى
جاريالانعان اقپاراتتا 2020-جىلدىڭ جەلتوقسان ايىنداعى جاعداي بويىنشا قىتايدا 989 ميلليون ينتەرنەت قولدانۋشىسى بار ەكەندىگى كورسەتىلگەن.
ستاتيستيكا كورسەتكەندەي، 2015-جىلى قىتايدا ينتەرنەت قولدانۋشىلار سانى 688 ميلليون بولسا، 2020-جىلى 989 ميلليونعا جەتتى. بۇل ەلدە 5 جىل ىشىندە ينتەرنەت قولدانۋشىلار سانى 43,7 پايىزعا ارتتى.
باسقاشا ايتقاندا، قازىرگى الەمدە ينتەرنەت پايدالانۋشىلاردىڭ ءاربىر بەسىنشى ادام قىتايلىق دەگەن ءسوز. قىتاي ينتەرنەت پايدالانۋشىلار اراسىندا، اۋىلدىق پايدالانۋشىلار سانى بارلىعى %31,3 قۇرايدى، شامامەن 309 ميلليون. باياندامادا قىتايدىڭ اۋىلدىق ايماقتارىنىڭ جارتىسىنا جۋىعى (%55,9) ينتەرنەتكە قول جەتكىزە الاتىندىعى ايتىلدى.
قىتايلىق ينتەرنەت قولدانۋشىلاردىڭ ءبىلىمى تۇرعىسىنان، ولاردىڭ %40 ورتا مەكتەپتى ءبىتىرۋ دەڭگەيىنە يە (9-سىنىپ). جوعارعى ورتا مەكتەپتى (11- سىنىپ) نەمەسە كوللەدجدى بىتىرگەن ينتەرنەتتى پايدالانۋشىلاردىڭ سانى شامامەن %20 قۇرايدى. باستاۋىش مەكتەپ نەمەسە ودان تومەن ءبىلىمى بارلار ينتەرنەت قولدانۋشىلار سانىنىڭ %19 قۇرايدى.
باسقاشا ايتقاندا، بۇل ەلدەگى ينتەرنەت پايدالانۋشىلاردىڭ شامامەن %20 عانا جوعارى ءبىلىمدى.
كاسىبى بويىنشا ينتەرنەت پايدالانۋشىلاردىڭ %21 مەكتەپ وقۋشىلارى، ودان كەيىن %16,9 ءوز بەتىنشە جۇمىس جاسايتىندار / فريلانسەرلەر، %8,0 اۋىل، ورمان، مال شارۋاشىلىعى جانە بالىق اۋلاۋ سالاسىنىڭ قىزمەتكەرلەرى.
قىتاي ۇكىمەتىنىڭ ينتەرنەتتى بۇعاتتاۋ ساياساتىنا بايلانىستى قىتايلىق ينتەرنەت قولدانۋشىلار باسقا ەلدەردىڭ ينتەرنەت قولدانۋشىلارىمەن ادەتتەگىدەي بايلانىسقا تۇسە المايدى، سونداي-اق Facebook, YouTube جانە Twitter سياقتى حالىقارالىق الەۋمەتتىك جەلىلەرگە كىرە المايدى.
وسىعان قاراماستان، قىتايلىق بۇقارالىق اقپارات قۇرالدارى قىتاي «الەمدەگى ەڭ ۇلكەن ساندىق قوعامعا يە» دەپ مالىمدەيدى.