استانا اۆتوبۋستارىندا 1 - قىركۇيەكتەن باستاپ وقۋشىلار ءۇشىن جاڭا تاريف ەنگىزىلەدى
بۇرىن 7-15 جاس ارالىعىنداعى بالالار ءۇشىن قوعامدىق كولىكتە كارتاسىز ءجۇرۋ قۇنى 90 تەڭگە، كولىك كارتاسىمەن - 40 تەڭگە ەكەندىگى ايتىلعان بولاتىن. بۇل تاريف 2018 -جىلعى 21 - شىلدەدەن 1 - قىركۇيەككە دەيىن ەنگىزىلگەن بولسا دا، 7-15 جاس ارالىعىنداعى بالالار ءۇشىن ءجۇرۋ قۇنىن بۇرىنعىشا 40 تەڭگە مولشەرىندە قالدىرۋ جونىندە شەشىم قابىلدانعان. جازدا بالالاردىڭ بارلىعى دا مەكتەپتەردەن انىقتاما الۋعا ۇلگەرمەگەندىكتەن، قالا اكىمدىگى وسىنداي شەشىمگە كەلدى.
ەسكە سالا كەتەيىك، 2018 -جىلعى 1- قىركۇيەكتەن باستاپ قالا اۆتوبۋستارىندا قولما- قول اقشامەن بالالار بيلەتىنىڭ قۇنى 90 تەڭگە، ال «تۇلپار» اۆتوبۋستارىندا 125 تەڭگە، ياعني ەرەسەكتەر بيلەتى قۇنىنىڭ جارتىسىن قۇرايدى (كولىك كارتاسىمەن تولەگەن جاعدايدا قالالىق اۆتوبۋستاردا ءجۇرۋ قۇنى 40 تەڭگە، «تۇلپار» اۆتوبۋستارىندا 90 تەڭگە بولادى) . «Astana LRT» تۇرعىنداردان اتاۋلى مەكتەپ كولىك كارتاسىن ەرتەرەك الۋىن سۇرايدى.
