قازاقستاندا 1-تامىز كۇنى بولاتىن اۋا رايى بولجامى

استانا. قازاقپارات - اتموسفەرالىق فرونتالدى بولىكتەردىڭ وتۋىنە بايلانىستى رەسپۋبليكانىڭ باسىم بولىگىندە نايزاعاي ويناپ، جەل كۇشەيەدى.

وڭتۇستىكتە ونىڭ سوڭى شاڭدى داۋىلعا ۇلاسادى، تۇندە جانە تاڭ اتا سولتۇستىكتە تۇمان تۇسەدى، دەپ حابارلايدى قازاقپارات ەلىمىزدىڭ توتەنشە جاعدايلار سالاسىنىڭ مالىمەتتەرىنە سۇيەنە وتىرىپ.

قوستاناي، اقمولا، كۇندىز سولتۇستىك قازاقستان وبلىستارىندا بۇرشاق جاۋىپ، جەلدىڭ جىلدامدىعى سەكۋندىنا 15-20 مەترگە دەيىن كۇشەيۋى مۇمكىن، تۇندە جانە تاڭ اتا تۇمان تۇسەدى.

پاۆلودار، كۇندىز شىعىس قازاقستان وبلىسىندا جەل سەكۋندىنا 15-20 مەتر جىلدامدىقپەن سوعادى. بۇرشاق جاۋىپ، تۇندە جانە تاڭ اتا تۇمان ءتۇسۋى ىقتيمال.

قاراعاندى، كۇندىز جامبىل، تۇركىستان، اقتوبە، قىزىلوردا وبلىستارىنىڭ ءبىرقاتار ايماقتارىندا جەلدىڭ جىلدامدىعى سەكۋندىنا 15-20 مەتر بولادى. قىزىلوردا وبلىسىندا شاڭدى داۋىل سوعادى.

ماڭعىستاۋ، اتىراۋ وبلىستارىندا اپتاپ ىستىق بولادى.

قىزىلوردا، تۇركىستان وبلىستارىندا جانە اقتوبە، اتىراۋ، باتىس قازاقستان ماڭعىستاۋ، قوستاناي، قاراعاندى، جامبىل، الماتى وبلىستارىنىڭ كەي جەرلەرىندە ءورت قاۋپى ساقتالادى.