ايدىندى الاكول بيىل 1 ميلليونعا جۋىق تۋريستى قارسى الماق

تالدىقورعان. قازاقپارات - الماتى وبلىسىنداعى ايدىندى الاكولدە سوڭعى ءتورت جىلدا تۋريزمدى دامىتۋعا باعىتتالعان جۇمىستار قارقىن الدى.
None
None

ناتيجەسىندە نىسانداردىڭ سانى 92 دەن 182 گە دەيىن ارتتى. بۇگىندە مۇندا دەمالۋشىلار ءۇشىن بارىنشا قولايلى جاعداي جاسالعان، دەپ حابارلايدى قازاقپارات ءتىلشىسى.

ايتا كەتەيىك، قازاقستان پرەزيدەنتى نۇرسۇلتان نازاربايەۆ 9-10- مامىر كۇندەرى جۇمىس ساپارىمەن الماتى وبلىسىندا بولىپ، الاكولدەگى ءبىرقاتار تۋريستىك نىسانداردى ارالاپ كوردى. سونداي-اق وڭىردەگى ينفراقۇرىلىمدىق جوبالاردى ىسكە اسىرۋدىڭ قازىرگى ناتيجەلەرى مەن الداعى جوسپارلارىنا ءمان بەردى.

«الاكول قازاقستاندىق تۋريستەر ەڭ كوپ باراتىن جەر بولۋى كەرەك. ءدال ەلدىڭ ورتاسىندا، الماتىعا دا جاقىن، قاراعاندى، استانا، بالقاش، جەزقازعانعا دا جاقىن. ول ىڭعايلى جەردە ورنالاسۋىمەن ەرەكشەلەنىپ، بارلىق ءوڭىردىڭ تۇرعىندارى ءۇشىن قولجەتىمدى بولىپ وتىر. كولدىڭ بىرەگەيلىگى سۋىنىڭ ەمدىك قاسيەتىمەن بايلانىستى. ونىڭ قۇرامىندا رادون، ءسىلتى جانە باسقا دا پايدالى ەلەمەنتتەر بار. وسىعان بايلانىستى الاكول ەلىمىزدىڭ تۋريزم سالاسى ءۇشىن وتە ماڭىزدى. الاكول دەمالىس ايماعى الداعى ەكى جىل ىشىندە ادام تانىماستاي وزگەرەدى. دەمالۋشىلاردىڭ سانى 400 مىڭنان 600 مىڭعا دەيىن ءوستى. ال بيىل 1 ميلليونعا دەيىن ادام كەلەيىن دەپ وتىر»، - دەدى ەلباسى الاكولگە ساپارى بارىسىندا.

الماتى وبلىسىنىڭ اكىمى اماندىق باتالوۆ اتاپ وتكەندەي، سوڭعى جىلدارى وڭىردە تۋريستەرگە قىزمەت كورسەتۋ كولەمى قارقىن الۋدا، بيۋجەت كىرىسى ارتتى.



«سوڭعى ءتورت جىلدا وبلىستا تۋريستىك قىزمەت كورسەتۋ كولەمى ەكى ەسە ارتتى. بۇل كورسەتكىش 2014-جىلى 3,9 ميلليارد تەڭگەنى قۇراسا، 2017-جىلى 8,3 ميلليارد تەڭگەگە ءوستى. 2018-جىلى مۇنى 10 ميلليارد تەڭگەگە دەيىن جەتكىزۋدى جوسپارلاپ وتىرمىز. الاكول اۋدانىندا كورسەتىلگەن قىزمەت كولەمى 2017-جىلى 3,5 ميلليارد تەڭگەگە جەتىپ، 2014-جىلعى دەڭگەيمەن سالىستىرعاندا 8 ەسە ارتتى»، - دەدى ءوڭىر باسشىسى.

ايتا كەتۋ كەرەك، پرەزيدەنت 2014-جىلى الماتى وبلىسىنا جاساعان ساپارىندا جاڭادان تاعايىندالعان الماتى وبلىسىنىڭ اكىمى اماندىق باتالوۆقا ناقتى مىندەتتەر جۇكتەگەن بولاتىن. اسىرەسە، تۋريزمدى دامىتۋ قاجەتتىگىنە باسا نازار اۋدارىلعان ەدى.



ەلباسىنىڭ تاپسىرماسىنان كەيىن وبلىستا تۋريزم سالاسىن دامىتۋدىڭ كەشەندى جوسپارى دايىندالدى. الدىمەن مەملەكەت باسشىسى اتاپ وتكەن الاكولگە باسىمدىق بەرىلىپ، اۋقىمدى جۇمىستار قولعا الىندى. ماقساتتى پايدالانىلماعان كول جاعالاۋى انىقتالىپ، مەملەكەت مەنشىگىنە قايتارىلدى. جەر تەلىمدەرى زاماناۋي دەمالىس كەشەندەرىن سالۋعا نيەتتى كاسىپكەرلەرگە بەرىلدى. قاجەتتى ينفراقۇرىلىمدار دا تارتىلدى. تەمىرجول بايلانىسى دا ورناتىلدى.

اقشي اۋىلىندا جاڭادان سالىنعان تەمىرجول ۆوكزالىنىڭ عيماراتى بيىل ەل يگىلىگىنە بەرىلەدى. وبلىس اكىمدىگى مەن «قازاقستان تەمىر جولى» ۇ ك» ا ق باسشىلىعىنىڭ كەلىسىمى ناتيجەسىندە استانا مەن الماتىدان پويىز قاتىناي باستادى. العاشقى 6 ۆاگون اقشي اۋىلىنىڭ جانىنداعى 13№ بەكەتكە كەلدى. الىستان ات ارىلتىپ كەلگەن تۋريستەردى اۋدان جۇرتشىلىعى بار ءسان-سالتاناتىمەن قارسى الدى. كول جاعالاۋىنداعى اقشي اۋىلىندا 600 دەن اسا ادام تۇرادى. ەلدى مەكەندە بۇرىن سوڭدى ۋچاسكەلىك پۋنكت بولماعان. رەسپۋبليكا بويىنشا الماتى وبلىسىندا عانا قولعا الىنعان بىرەگەي جوبا ارقالى اۋىلعا باسپانا مەن پوليتسيا پۋنكتى بىرىكتىرىلگەن عيمارات سالىندى.



ناۋقاستارعا جاردەمدەسەر اۋىلدىق امبۋلاتوريا دا جاڭادان تۇرعىزىلدى. مەكەمە قاجەت قوندىرعىلارمەن جابدىقتالىپ، جەدەل جاردەم كولىگىمەن قامتاماسىز ەتىلدى.

وبلىس باسشىلىعى اۋە قاتىناسىن رەتكە كەلتىرۋگە دە كۇش سالدى. ءبىرىنشى كەزەكتە ەسكىرگەن اۋەجاي كۇردەلى جوندەۋدەن وتكىزىلدى. اۋە كومپانيالارىمەن كەلىسىم جاسالىپ، استانا مەن تالدىقورعاننان ءۇشارالعا ۇشاق قاتىناي باستادى. سۋبسيديا بەرىلىپ، بيلەت قۇنى ارزانداتىلدى. مەملەكەتتىك كومەكتىڭ ارقاسىندا 25 جىل بويى قاڭىراپ بوس تۇرعان اۋەجايداعى تىرشىلىك قايتا جانداندى. بۇگىنگى كۇنگە دەيىن اۋەجاي 10 مىڭ ادامعا قىزمەت كورسەتكەن. الاكول كولىنە كەلۋشى تۋريستەر سانىنىڭ ارتۋىنا بايلانىستى قوسىمشا تاعى ۇشاقتار الىنادى.

null

الاكول اۋدانىنىڭ اكىمى الىبەك جاقانبايەۆ قازاقپارات تىلشىسىنە ءمالىم ەتكەندەي، كول جاعالاۋىندا ەڭ الدىمەن، سەرۆيسكە ءمان بەرىلەدى.

«بۇگىنگى تاڭدا بىزدە بەس جۇلدىزدى ەكى دەمالىس ورنى جۇمىس ىستەپ تۇر. ءۇش، ءتورت جۇلدىزدى قوناق ۇيلەر سانى كوپ. ءبىز ەندى ون ادامعا ارناپ دەمالىس ورنىن سالاتىن بولساق، ءبىرىنشى كەزەكتە سەرۆيسكە ءمان بەرەمىز. سەبەبى كولدىڭ شيپالى سۋىنا دەمالۋعا كەلگەن ادامعا بارلىق قولايلى جاعداي جاسالۋى كەرەك»، - دەدى اۋدان باسشىسى الىبەك جاقانبايەۆ.

null

قازىر الاكولدە تۋريستەرگە جوعارى ساپالى قىزمەت كورسەتەتىن ەۋروپالىق ستاندارتتاعى دەمالىس ورىندارى جۇمىس ىستەپ تۇر. سولاردىڭ ءبىرقاتارىن پرەزيدەنت نۇرسۇلتان نازاربايەۆ وسى جولعى ساپارىندا جەكە ارالاپ كوردى.

«گراند ۆيللا» دەمالىس ورنى 1 گەكتار جەرگە ورىن تەپكەن. مۇندا جانعا جايلىنىڭ ءبارى بار - ەۋروپا جانە شىعىس تاعامدارىن دايىندايتىن مەيمانحانا، بالالارعا ارنالعان اشىق جانە جابىق الاڭدار، باسسەيندەر.



«ءبىزدىڭ كەشەن الاكولدەگى تۋريزمدى دامىتۋ ماقساتىندا سالىندى. وتاندىق جانە شەتەلدىك تۋريستەرگە جوعارى دەڭگەيدە قىزمەت كورسەتەمىز. سونىمەن قاتار جەرگىلىكتى تۇرعىنداردى جۇمىسپەن قامتيتىن بولامىز. مۇندا سۋعا شومىلۋ ماۋسىمى كەزىندە شامامەن 100 دەن اسا ادام ەڭبەك ەتەدى»، - دەيدى «گراند ۆيللا» دەمالىس ورنى ديرەكتورىنىڭ ورىنباسارى ۆلاديمير لي.

ال ەلجان ءابدىراحمانوۆ ەسىمدى جەرگىلىكتى كاسىپكەر «Alakol resort» اتتى تۋريستىك نىساننىڭ قۇرىلىسىن 2015-جىلى باستاپ، بىلتىر اياقتاعان. ءبىر مەزەتتە 400 ادامدى قابىلداي الاتىن ورتالىق وتكەن جىلى 40 مىڭ تۋريستكە قىزمەت كورسەتتى. «Alakol resort» - تىڭ جالپى اۋماعى - 6 گەكتار. سونىڭ تەڭ جارتىسىنا عانا قۇرىلىس جۇمىستارى جۇرگىزىلىپ، قوناقۇيلەر مەن باسسەيندەر، مەيمانحانا جانە بىرنەشە SPA- مونشا سالىنعان. جاتتىعۋ زالدارى، وڭاشا تىنىعۋ ورنى دا قاراستىرىلعان. الداعى ۋاقىتتا اۋقىمى ۇلعايتىلىپ، ەلىمىزدەگى ەڭ ءىرى تۋريستىك ورتالىققا اينالماق.

سوڭعى جاڭالىقتار