13:28, 06 - قىركۇيەك 2017 | GMT +6
جەلى قولدانۋشىلارىن 1-سىنىپقا ارنالعان وقۋلىقتاعى قاتەلىكتەر شۋلاتتى - كەسكىن
استانا. قازاقپارات - ينستاگرام الەۋمەتتىك جەلىسىندە جاريالانعان مىنا ۆيدەو جۇرتتىڭ اشۋىن تۋعىزدى.
1-سىنىپقا ارنالعان قازاق ءتىلى وقۋلىعى تەرىس اينالدىرىلىپ سالىنعان.
الەۋمەتتىك جەلى قولدانۋشىلارى «ساتىلىمعا شىقپاس بۇرىن ءبىلىم مينيسترلىگى بارلىق جاعىنان ستاندارتقا ساي ەكەندىگىن تەكسەرىپ، سودان كەيىن كەلىسىمىن بەرۋى كەرەك ەدى عوي»، «قازاق ءبىلىم بەرۋ جۇيەسى ءۇشىن بۇل ماسقارا. سونىمەن قويماي، تۋعان ءتىلدى ۇيرەنۋ كەرەك دەپ ايتادى»، «بارلىق باسىلىم ەمەس، ءبىر عانا كىتاپ وسىنداي دەپ ۇمىتتەنەمىن»، «جىلدا قايتالاناتىن نارسە، ءبىر جىل ورىندارىنان تۇرىپ كىتاپتاردى تەكسەرسە بولار ەدى، ىشىنە دە ويلارىنا كەلگەن دۇنيەنى جازادى»، «قازاق ءتىلىنىڭ مارتەبەسى وسى» دەپ مىسقىلدادى جەلى قولدانۋشىلارى.
ايتا كەتەيىك، اتالمىش كىتاپ «الماتى كىتاپ» باسپاسىندا باسىلىپ شىققان.
🤦♂️ 🤦♀️