قازاقستاندا 1 -ماۋسىمدا بالالارعا تەگىن مەديتسينالىق كومەك كورسەتىلەدى
بۇل كۇنى كىشكەنتاي پاتسيەنتتەر ءۇشىن بەيىندى مامانداردى شاقىرۋ ارقىلى (پەدياترلار، نەۆروپاتولوگتار، ەندوكرينولوگتار، وكۋليستەر، حيرۋرگتار، ورتوپەدتەر، كارديولوگتار، نەفرولوگتار، يممۋنولوگتار، بالالار جاسىنداعى اۋرۋلاردى بىرىكتىرىپ جۇرگىزۋ بويىنشا ماماندار جانە ت. ب. )، كەتلە بويىنشا دەنە سالماعىن، بويىن، ارتەريالدى قان قىسىمىن، كوزىنىڭ كورۋىن تەكسەرۋ شارالارى جۇرگىزىلەدى.
بۇل كۇنى بولاشاق انالار ءۇشىن ەمىزۋدى قولداۋ بويىنشا «ەمىزۋدىڭ 10 قاعيداسى» اتتى سەمينارلار، سونداي-اق، دەنى ساۋ بالا كابينەتتەرىندە بالالار مەن مەكتەپكە دەيىنگى جاستاعى بالالاردىڭ اتا- انالار ءۇشىن يمۋننولوگيالىق پروفيلاكتيكا، دۇرىس تاماقتانۋ، جەكە گيگيەنا بويىنشا شارالار، مەديتسينالىق كابينەتتەردە - بيتشەڭدىك، قىشىماعا تەكسەرۋ جانە ولاردى ەمدەۋ شارالارى وتكىزىلەدى.
2016 -جىلى بالانىڭ دەنساۋلىعىن ەرتە جاستان ساقتاۋ مەن نىعايتۋ، قوعامدىق جانە جەكە گيگيەنانىڭ، بالالار مەن جاسوسپىرىمدەردىڭ بويىندا دەنساۋلىق ساقتاۋ ادەتتەرىن قالىپتاستىرۋ، دۇرىس تاماقتانۋ مەن فيزيكالىق بەلسەندىلىك بويىنشا حالىقتىڭ حاباردارلىعىن ارتتىرۋ ماقساتىندا وتكىزىلەتىن بارلىق شارالار «باستى بايلىق - بالالاردىڭ كۇلكىسى!» ۇرانىمەن جۇرمەك.
س ءو س ۇلتتىق ورتالىعىنىڭ مالىمەتىنشە، قازاقستاندا 2015 -جىلى 9 جاستاعى بالالار اراسىنداعى شامادان تىس دەنە سالماعىنىڭ تارالۋى - %12,3، ، سەمىزدىك - %6,3 بولعان.
