10:55, 02 - شىلدە 2015 | GMT +6
قىرعىزستان پرەزيدەنتى ەلباسىن 1- دارەجەلى «ماناس» وردەنىمەن ماراپاتتادى
استانا. قازاقپارات - قىرعىزستان پرەزيدەنتى المازبەك اتامبايەۆ مەملەكەت باسشىسى نۇرسۇلتان نازاربايەۆتى I دارەجەلى «ماناس» وردەنىمەن ماراپاتتادى.
بۇل تۋرالى قىرعىزستان پرەزيدەنتىنىڭ باسپا ءسوز قىزمەتىنەن حابارلادى.
قىرعىزستان رەسپۋبليكاسىنىڭ پرەزيدەنتى المازبەك اتامبايەۆ قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتى I دارەجەلى «ماناس» وردەنىمەن ماراپاتتاۋ» جونىندەگى جارلىققا قول قويدى.
جارلىققا سايكەس، قازاقستان پرەزيدەنتى نۇرسۇلتان نازاربايەۆ وداقتاستىق قارىم-قاتىناستاردى جانە قىرعىزستان رەسپۋبليكاسى مەن قازاقستان رەسپۋبليكاسى اراسىنداعى ستراتەگيالىق ارىپتەستىكتى دامىتۋعا، ەكى ەل حالقى اراسىنداعى تاتۋ كورشىلىك پەن دوستىق قارىم-قاتىناستى نىعايتۋعا قوسقان ۇلەسى ءۇشىن I دارەجەلى «ماناس» وردەنىمەن ماراپاتتالدى.
