الماتىدا جەڭىل ءجۇرىستى قىزدارعا 1 ميلليون تەڭگە كولەمىندە ايىپپۇل سالىندى - فوتو
11 - مامىردا باستالعان «قايىرشى» اكسياسى مامىردىڭ 21 ىنە دەيىن جالعاسادى.
پوليسيا قىزمەتكەرىنىڭ ايتۋىنشا، وسى بىرنەشە كۇن ارالىعىندا الماتىدا ق ر اكىمشىلىك قۇقىق بۇزۋشىلىق تۋرالى كودەكسىنىڭ 449-بابىنا سايكەس، 765 ادام جاۋاپكەرشىلىككە تارتىلعان. زاڭ بويىنشا ولارعا 5-10 ا ە ك ەسەبىندە ايىپپۇل سالىندى.
اۋداندىق ءى ءى ب حابارلاۋىنشا، اكىمشىلىك كودەكستىڭ جاڭا نورمالارى تەك قانا جەڭىل ءجۇرىستى قىزدارعا عانا ەمەس، ادامدارعا تاۋارىن تىقپالاعان ساۋداگەرلەر، قايىرشىلار مەن ءۇيىن جالعا بەرەتىن ادامعا قاتىستى قولدانىلدى.
«جىل باسىنان بەرى سەيفۋللين كوشەسىندە قوعامدىق ورىندا ادامداردىڭ مازاسىن العانى ءۇشىن 122 ادام اكىمشىلىك جاۋاپكەرشىلىككە تارتىلدى. ولاردىڭ 101 جەڭىل ءجۇرىستى قىزدار. ولارعا جالپى سوماسى 1 ميلليون تەڭگە كولەمدە ايىپپۇل سالىندى. جولاۋشىلارعا تاۋارىن تىقپالاعان ادامدار مەن قايىرشىلار دا جاۋاپكەرشىلىككە تارتىلدى. سونداي- اق، ايىپپۇل ارقالاعان ادامداردىڭ ىشىندە قىرعىزستاننان كەلگەن جەڭىل ءجۇرىستى كەلىنشەك تە بار. ول سوت شەشىمىمەن قازاقستان تەرريتورياسىنان شىعارىلدى»، - دەدى تۇركسىب اۋداندىق ءى ءى ب اكىمشىلىك پوليتسيا ءبولىمىنىڭ باسشىسى فارحات سىبانبايەۆ.
