تەننيستەن پرەزيدەنت كۋبوگى: 19 جاستاعى يسلام ورىنباسار ەكىنشى اينالىمعا شىقتى

دميتري پوپكو پرەزيدەنت كۋبوگىنداعى العاشقى كەزدەسۋىن وتكىزدى.
ول تۇركيالىق كوراي كيرچيدى 6:4، 4:6، 6:1 ەسەبىمەن تىزە بۇكتىردى.
د. پوپكو شيرەك فينالعا شىعۋ ءۇشىن وزبەكستاندىق حۋمايۋن سۇلتانوۆپەن تالاسادى.
پرەزيدەنت كۋبوگىنىڭ وتكەن جىلعى فيناليسى دەنيس ەۆسەيەۆ جاڭازەلانديالىق ادجيت رايدى ۇتتى - 6:4، 6:1. ونىڭ كەلەسى قارسىلاسى - يزرايل وكىلى ورەل كيمحي.
تاعى ءبىر قازاقستاندىق، 19 جاستاعى يسلام ورىنباسار الەمنىڭ 616-راكەتكاسى، ءۇندىستاندىق پردجۆال ديەۆتى ۇتتى - 6:4، 1:6, 6:3. تەننيسشىلەر كورتتا ەكى ساعاتتان استام ۋاقىت بويى وينادى.
يسلام جارىستىڭ 2-راكەتكاسى، جاڭازەلانديالىق بەندجامين لوكپەن شەبەرلىك بايقاسادى.
ەسكە سالا كەتەيىك، بۇدان بۇرىن يۋليا پۋتينتسيەۆانىڭ گامبۋرگ جارىسىن جەڭىسپەن باستاعانىن جازعان بولاتىنبىز.
سونداي-اق، اننا دانيلينا گەرمانياداعى جارىستىڭ شيرەك فينالىنا شىقتى.
تەننيسشى لەو بورگ قازاقستاندا ءبارى ۇناعانىن ايتتى.