امەريكالىق بيزنەسمەن 19 ۇرەيگە قارسى ءجۇرۋدى ۇسىندى

نۇر- سۇلتان. قازاقپارات - بۇل امەريكالىق بيزنەس ستراتەگياسىنىڭ بەلگىلى سپيكەرى، جۇزدەگەن ماقالالار اۆتورى، بلوگەر دەن ۆالدشميدتتىڭ ۇستانىمى.

1. قوڭىراۋ شالۋعا قورقاتىن ادامعا حابارلاس.

2. بۇرىنعىدان دا ەرتە تۇر.

3. الاشاقتان گورى بەرەشەكتى ارتتىرۋ كەرەك.

4. وزگەلەردىڭ ساعان جاسايتىن قامقورلىعىنان سەنىڭ وزگەلەرگە جاسايتىن قامقورلىعىڭ كوپ بولسىن.

5. ءتانىڭ جاراقاتتان كورىنبەي تۇرسا دا كۇرەستى توقتاتپا.

6. ساقتانۋ كەرەك دەگەن جەردىڭ بارىندە تاۋەكەلگە بەل بۋ.

7. سوڭىڭنان ىلەسەتىن ادام بولماسا دا باسقارۋدى ۇيرەن.

8. وزگە ەشكىم تاربيەلەمەسە دە ءوزىڭدى ءوزىڭ تاربيەلە. ىزدەن. ءبىلىم قۋ.

9. سۇراعىڭا جاۋاپ ىزدەگەندە اقىماقتىڭ كەيپىنە ەن.

10. قول سىلتەي سالاتىن جەردە ۇساق-تۇيەكتەردى ويلاستىر.

11. سىلتاۋ ىزدەيتىن جەردىڭ بارىنەن ناتيجە شىعار.

12. وزگەنىڭ پىكىرىمەن كەلىسىپ تۇرساڭ دا ءوزىڭنىڭ ويىڭدى ىزدە.

13. قاتەلىك جاساپ، اقىماق بوپ كورىن.

14. ءبىر رەت جاساپ كور، قاتەلەس، سوسىن تاعى دا كور.

15. دەمىڭ قۇرىپ قالسا دا جىلدام جۇگىر.

16. ساعان قاتىگەزدىك تانىتقان ادامعا دا مەيىرىمدى بول.

17. ەشكىم جەتپەگەن ناتيجەگە قول جەتكىزىپ، ەشكىم ۇلگەرمەگەن ۋاقىتتا ۇلگەر.

18. جۇمىسىڭ جۇرمەسە دە ءاربىر ارەكەتىڭە جاۋاپكەرشىلىكپەن قارا.

19. تاڭداعان باعىتتاعى كەدەرگىلەرگە ءمان بەرمەي العا قاراي قوزعالا بەر.

قيىن ىستەردى جاساپ ۇيرەن. وزگەلەر قاشقاقتايتىن جۇمىستى سەن ىستە. ءوزىڭ قورقاتىن جۇمىستى جاسا. مىنانى بىتىرۋگە شامام جەتە مە، جوق پا دەگەن ىستەرگە بەلسەنە كىرىس.

سەنىڭ كىم ەكەنىڭ سول كەزدە كورىنەدى. جەتىستىككە جەتەتىن ادام مەن قاراپايىم ادامنىڭ ءومىرىنىڭ ايىرماشىلىعى سول عانا.

قيىن ىستەردەن باسىڭدى الىپ قاشۋ ەڭ وڭايى. نەگە سەن ىستەمەۋىڭ كەرەك دەگەن سىلتاۋلار تابىلا بەرەدى. قاتارداعى جاي ادامدار جەتىستىككە قالاي جەتەدى؟ ءبىر عانا انىقتاما بار - ولار قيىن ىستەرگە بىلەك سىبانا كىرىسەدى. ولاردان اقىلدى، باي، بىلىكتى ادامدار شوشيتىن ءىستى ءبىر ءوزى تاباندىلىقپەن، بىربەتكەيلىكپەن تىندىرادى.

قيىن ىستەردى تاڭدا. سوندا ءوزىڭنىڭ قانداي مىقتى ەكەنىڭدى كورەسىڭ.

اۋدارعان شىنار ءابىلدا