قازگيدرومەت: اقپاننىڭ 19 ى كۇنگى اۋا رايى بولجامى
كاسىپورىن تاراتقان مالىمەتتەرگە قاراعاندا، قازاقستاننىڭ باسىم بولىگىنە وڭتۇستىك كاسپي تسيكلونى ىقپال ەتىپ، كۇن قۇبىلمالى بولادى، جاڭبىر، قار جاۋادى.
سولتۇستىكتە قالىڭ قار، وڭتۇستىكتە جاڭبىر مول كولەمدە جاۋادى. رەسپۋبليكا بويىنشا كەي جەرلەردە تۇمان ءتۇسىپ، كوكتايعاق، بۇرقاسىن بولىپ، جەل كۇشەيەدى.
جامبىل، تۇركىستان وبلىستارىندا جەلدىڭ جىلدامدىعى سەكۋندىنا 15-20 مەترگە، ەكپىنى 23-28 م/س- گە جەتەدى، كەي جەرلەردە 30 م/س جانە ودان كۇشتى بولادى. سونداي-اق كەي جەرلەرگە تۇمان ءتۇسىپ، كۇندىز تۇركىستان وبلىسىنىڭ كەي ءبىرقاتار بولىگىندە كوكتايعاق بولادى.
قوستاناي وبلىسىنىڭ باسىم بولىگىندە تۇندە جەل 15-20 م/س جىلدامدىقپەن ەسەدى، كەي جەرلەردە جەلدىڭ كۇشى سەكۋندىنا 25 مەترگە دەيىن جەتەدى.
كۇندىز ءوڭىردىڭ ءبىرقاتار بولىگىندە جەلدىڭ جىلدامدىعى سەكۋندىنا 15-20 م/س- كە جەتسە، كەي جەرلەردە تۇمان، بۇرقاسىن بولادى.
اقمولا وبلىسىنىڭ باسىم بولىگىندە جەل تۇندە سەكۋندىنا 15-20 مەترگە جەتىپ، كەي جەرلەردە ەكپىنى 23-28 م/س بولادى. كۇندىز وبلىستىڭ كەي جەرلەرىندە جەلدىڭ كۇشى 15-20 م/س- قا دەيىن كۇشەيەدى، سونداي-اق تۇمان ءتۇسىپ، كوكتايعاق، بۇرقاسىن بولادى.
سولتۇستىك قازاقستان، پاۆلودار وبلىستارىنىڭ باسىم بولىگىندە جەلدىڭ كۇشى سەكۋندىنا 15-20 مەترگە ەتەدى، كەي جەرلەردە ەكپىنى 23-28 م/س بولادى. تاعى ءبىر بولىگىندە بۇرقاسىن بولادى.
سولتۇستىك قازاقستان وبلىسىنىڭ ءبىرقاتار وڭىرىندە تۇمان ءتۇسىپ، پاۆلودار وبلىسىندا كوكتايعاق بولادى. قاراعاندى، شىعىس قازاقستان وبلىستارىنىڭ كەي جەرلەرىندە كوكتايعاق بولىپ، تۇمان تۇسەدى، جەل 15-20 م/س جىلدامدىقپەن ەسىپ، ەكپىنى 23-28 م/س- قا جەتەدى.
شىعىس قازاقستان وبلىسىنىڭ كەي جەرلەرىندە جاياۋ بۇرقاسىن بولادى.
قىزىلوردا وبلىسىنىڭ كەي جەرلەرىنە تۇمان ءتۇسىپ، كوكتايعاق بولادى، جەل 15-20 م/س جىلدامدىقپەن سوعادى.
اقتوبە، اتىراۋ، ماڭعىستاۋ، باتىس قازاقستان وبلىستارىنىڭ كەي جەرلەرىندە تۇمان ءتۇسىپ، ماڭعىستاۋ وبلىسىنىڭ كەي جەرلەرىندە كوكتايعاق بولادى.