كوكشەتاۋدا جوعالعان 19 جاستاعى بويجەتكەننىڭ دەنەسى تابىلدى
بۇل تۋرالى كوكشەتاۋ ۆولونتەرلەرىنىڭ الەۋمەتتىك جەلىدەگى Kokshetau.Lider. KZ توبىندا جاريالاندى، دەپ حابارلايدى قازاقپارات ءتىلشىسى.
وسىعان دەيىن حابارلاعانىمىزداي، ۇستىمىزدەگى 19-ماۋسىمىندا كوكشەتاۋ قالالىق پ د كەزەكشى بولىمىنە جەرگىلىكتى تۇرعىن حابارلاسىپ، 2001 -جىلى تۋعان ءسىڭىلىسى اناستاسيا الەكساندروۆنا روماسيۋندى ىزدەپ تابۋعا كومەك سۇراعان بولاتىن.
اپكەسىنىڭ ايتۋىنشا، اناستاسيا ءبىر كۇن بۇرىن جۇمىسىنا كەتىپ، قايتا ورالماعان. ال جۇمىس ورنى اناستاسيانىڭ 18-ماۋسىم كۇنى ساعات 15:00 شاماسىندا زاتتارىن الىپ، بەلگىسىز باعىتتا كەتىپ قالعانىن ايتقان. سول كۇنى كەشكى ساعات 22:00 دەيىن ونىڭ ۇيالى تەلەفونى قوسۋلى تۇرعان. بويجەتكەندى ىزدەۋگە دەپارتامەنتتىڭ جەكە قۇرامى مەن الەۋمەتتىك جەلىدەگى Kokshetau.Lider. KZ توبىنىڭ ۆولونتەرلەرى تارتىلدى.
اقپارات كوزىنە سۇيەنسەك، بويجەتكەندى ىزدەۋ توبىندا بولعان ۋچاسكەلىك پوليتسيا ينسپەكتورى جانە كامەلەت جاسىنا تولماعاندار ءىسى بويىنشا ينسپەكتور كوكشەتاۋداعى بۇقپا تاۋى اۋماعىندا اسىلعان كۇيىندە تاۋىپ العان.
قازىرگى كەزدە وسىعان بايلانىستى ق ر ق ك 105-بابىنىڭ 1-بولىگى بويىنشا (ءوز-وزىنە قول جۇمساۋعا يتەرمەلەۋ) تەرگەۋ امالدارى قولعا الىندى.
قىزدىڭ دەنەسىندە كۇش قولدانۋدىڭ بەلگىلەرى جوق، تەك موينىندا ءجىپتىڭ ءىزى عانا بار.
ەسكە سالا كەتەيىك، كوكشەتاۋدا 19 جاستاعى قىزدىڭ ءتورت كۇننەن بەرى تابىلماي جاتقانىن جازعان بولاتىنبىز.