قازاقستاندا 19-قازان كۇنى اۋا رايى قۇبىلمالى بولادى

استانا. قازاقپارات - قازاقستاننىڭ باسىم بولىگىندە اۋا رايى قۇبىلمالى بولادى. رەسپۋبليكانىڭ كوپ جەرلەرىندە جاۋىن جاۋادى، تەك ەلدىڭ باتىسى مەن وڭتۇستىك-باتىسىندا عانا كۇن اشىق.

دەگەنمەن كەي جەرلەردە جەل كۇشەيىپ، تۇمان ءتۇسىپ، كوكتايعاق بولادى، دەپ حابارلايدى «قازاقپارات» «قازگيدرومەت» ر م ك- نا سىلتەمە جاساپ.

اقمولا، قاراعاندى، سولتۇستىك قازاقستان وبلىستارىندا تۇمان ءتۇسىپ، كوكتايعاق بولىپ، جەلدىڭ جىلدامدىعى سەكۋندىنا 15-20 مەترگە جەتەدى. شىعىس قازاقستان وبلىسىندا جەلدىڭ ەكپىنى سەكۋندىنا 25 مەتر بولادى.

پاۆلودار وبلىسىندا تۇمان ءتۇسىپ، كوكتايعاق بولادى، جەل تۇندە سەكۋندىنا 15-20 مەتر جىلدامدىقپەن ۇيتقيدى.

قوستاناي، تۇندە جانە تاڭ اتا قىزىلوردا وبلىسىنىڭ ءبىرقاتار ايماقتارىندا تۇمان ءتۇسىپ، كوكتايعاق بولىپ، جەلدىڭ جىلدامدىعى سەكۋندىنا 15-20 مەترگە جەتەدى.

جامبىل وبلىسىنىڭ ءبىرقاتار وڭىرلەرىندە تۇمان ءتۇسىپ، كوكتايعاق بولىپ، جەل سەكۋندىنا 15-20 مەتر جىلدامدىقپەن ۇيتقيدى، ەكپىنى 23 مەترگە جەتەدى.

ماڭعىستاۋ، تۇندە جانە تاڭ اتا اتىراۋ، باتىس قازاقستان وبلىستارىندا تۇمان ءتۇسۋى مۇمكىن.

الماتى، تۇركىستان وبلىستارىنىڭ كەي جەرلەرىندە جەلدىڭ جىلدامدىعى سەكۋندىنا 15-20 مەترگە جەتەدى. الماتى وبلىسىندا تۇمان تۇسەدى.