15:10, 27 - تامىز 2018 | GMT +5
قازاق ءتىلىنىڭ جاڭا ورفوگرافياسىندا 19 نەگىزگى ەرەجە بولادى
استانا. قازاقپارات - الماتىدا ءتىل ماماندارى قازاق ءتىلىن لاتىن جازۋىمەن جازۋدىڭ جاڭا ەرەجەلەرىنە جۇرگىزگەن ءبىرىنشى سىناقتىڭ ناتيجەلەرىن تالقىلاندى. سىناق كەزىندە الىنعان ناتيجەلەر ەرەجەلەردى ودان ءارى دامىتۋ كەزىندە ەسكەرىلەتىن بولادى. بۇل تۋرالى حابار 24 حابارلايدى.
قازاق ءتىلىنىڭ جاڭا ورفوگرافياسىندا 19 نەگىزگى ەرەجە جانە 150 گە جۋىق پاراگراف بولادى. عالىمدار ولاردىڭ ءارقايسىسىندا تيپتىك سوزدەردىڭ جازىلۋىن، ياعني قازاق ءتىلىنىڭ ەرەكشە ۇلگىسىن تولىقتاي ءتۇسىندىرىپ وتەدى.
«تەكسەرۋ بارىسىندا ءبىز جانە عالىمدار ءۇشىن بىرەگەي ناتيجەلەر الىند. بۇل قازاق تىلىندە سويلەيتىن قازىرگى قازاقستاندىقتاردىڭ سوزدەردى وزدەرىنىڭ ۇلتتىق جازۋىندا جازۋدى قالايتىندارىن كورسەتتى. جانە ولاردىڭ بۇل ىقىلاسى ءبىزدى شابىتتاندىردى. سەبەبى رەفورمانىڭ ءوزى قانداي دا ءبىر ساياسي تۇرعىدان ەمەس، تەك لينگۆيستيكالىق ماقسات بويىنشا قۇرىلعان. ءبىز جاڭا ءالىپبيدىڭ ارقاسىندا ءبىزدىڭ ءتىلىمىزدى ساقتاپ قالعىمىز كەلەدى. سونداي- اق، بۇل ماقساتتى ءبىزدىڭ حالىق تا تولىعىمەن قولداپ وتىر» ، - دەيدى ساراپشى انار فازىلجانوۆا.
