جىل سوڭىنا دەيىن الماتى وبلىسىندا 19 مەكتەپ اشىلادى - ا. باتالوۆ - فوتو
ءبىلىم ورداسىن اشۋ سالتاناتتى راسىمىنە الماتى وبلىسىنىڭ اكىمى اماندىق باتالوۆ پەن تالدىقورعان قالاسىنىڭ اكىمى ەرمەك الپىسوۆ قاتىستى.
«سىزدەردى جاڭا وقۋ جىلىنىڭ باستالۋىمەن جانە جاڭا مەكتەپتىڭ اشىلۋىمەن شىن جۇرەكتەن قۇتتىقتايمىن. بۇگىندە جاڭا وقۋ جىلىنىڭ باستالۋىنا قاراي وبلىستا 15 جاڭا مەكتەپ اشىلىپ جاتىر. تاعى تورتەۋى اعىمداعى جىلدىڭ سوڭىنا دەيىن پايدالانۋعا بەرىلەدى. ايماقتا ءۇش اۋىسىممەن وقىتاتىن جانە اپاتتى مەكتەپتەر ماسەلەسى كەزەڭ- كەزەڭمەن شەشىلۋدە»، - دەپ اتاپ ءوتتى ايماق باسشىسى.
اۋماعى بويىنشا وبلىس ورتالىعىنا قارايتىن ەركىن اۋىلىنداعى مەكتەپتىڭ قۇرىلىسى جەرگىلىكتى تۇرعىنداردىڭ قالا باسشىسىمەن كەزدەسۋىندە قولقا سالۋىنان سوڭ باستالدى. اۋىل اقساقالدارىنىڭ ءسوزى جەردە قالماي، 2014 -جىلدىڭ ناۋرىزىندا جوبانى ىسكە اسىرۋ باستالدى.
قۇرىلىستىڭ باس مەردىگەرى «ا س ك اۋىل قۇرىلىس» ج ش س. مەكتەپتىڭ ءۇش قاباتتى عيماراتىندا زاماناۋي مۋلتيمەديالىق، لينگافوندىق جانە ەڭبەك، حيميا، فيزيكا پاندەرىنە ارنالعان كابينەتتەر قاراستىرىلعان.
وقىتۋشىلار قۇرامىندا جوعارى بىلىكتى پەداگوگتار، كوپتەگەن قالالىق جانە وبلىستىق وليمپيادالاردىڭ جەڭىمپازدارى بار. سالتاناتتى شارانىڭ قاتىسۋشىلارى وعان جەكە كوز جەتكىزگەن. ايماق باسشىسى حيميا جانە فيزيكا ساباقتارىندا بولىپ، وقۋشىلاردىڭ زاماناۋي وقۋ جابدىقتارىمەن تاجىريبەلىك جاتتىعۋلار، حيميا رەاكسيالارى جانە فيزيكا زاڭدارى بويىنشا ەكسپەريمەنتتەر وتكىزگەنىن كوردى.
ۇل بالالار مەن قىزدارعا ارنالعان ەڭبەك كابينەتتەرىنە ەرەكشە كوڭىل ءبولىندى. مۇندا بالالار قولونەر جانە زاماناۋي جابدىقتارمەن كەستە تىگۋ شەبەرلىگىن تانىتتى. مەديا كلاستاردىڭ سوڭعى ۇلگىسىمەن جاساقتالعان لينگافون كابينەتتەرىندە اۋىل مەكتەبىنىڭ وقۋشىلارى اعىلشىن ءتىلىن مەڭگەرەدى. ءتۇرلى مەرەكەلەردى وتكىزۋ ءۇشىن مەكتەپتە 100 ادامعا ارنالعان ءماجىلىس زالى قاراستىرىلعان. ءبىرىنشى سىنىپ وقۋشىلارىنىڭ وبلىس اكىمىنىڭ قولىنان قر پرەزيدەنتى نۇرسۇلتان نازاربايەۆتىڭ «مەنىڭ وتانىم - قازاقستان» («مويا رودينا - كازاحستان» ) كىتابىن سىيعا العانىن اتاپ وتەيىك.