الماتىلىق 1995 -جىلى ازىق-تۇلىك باعاسى قانداي بولعانى تۋرالى جازباسىن كورسەتتى - فوتو

استانا. قازاقپارات - Facebook الەۋمەتتىك جەلىسىن پايدالانۋشى قازاقستاندا ازىق- تۇلىك باعاسى 1995 -جىلى قانشا تۇرعانىن ەسكە ءتۇسىردى، - دەپ حابارلايدى Tengrinews.kz ءتىلشىسى.

«مىرزالار، 1995 -جىلى ازىق- تۇلىك باعاسىنىڭ قانداي بولعانى ەستەرىڭىزدە مە؟ مەن مىنە داپتەرگە جازىپ جۇرگەنمىن، تەك جازعانىم كوپ ەمەس. مۇنىڭ قالاي ساقتالىپ قالعانىنا تاڭعالامىن»، - دەپ جازىپتى ەۆگەنيا شەستاكوۆا اتتى الماتىلىق.

جازباعا قاراعاندا، 1995 -جىلى ەت 100 تەڭگە، ال تاۋىق ەتى 150 تەڭگە بولىپتى. بولكە ناندى 17-18 تەڭگەگە، ءسۇت ءليترىن 30-35 تەڭگەگە، ال جۇمىرتقانىڭ وندىعىن - 50 تەڭگەگە الۋعا بولعان ەكەن.