وليمپيادانىڭ 1976 -جىلعى جۇلدەگەرى شاڭعى جارىسىنان ەل چەمپيوناتىندا ەكىنشى ورىن الدى - فوتو

كوكشەتاۋ. قازاقپارات - اقمولا وبلىسىندا ارداگەرلەر اراسىندا شاڭعى جارىسىنان ەل چەمپيوناتى مارەسىنە جەتتى، دەپ حابارلايدى «قازاقپارات» ح ا ا ءتىلشىسى.

ساندىقتاۋ اۋدانىنىڭ بالكاشين سەلوسىندا وتكەن سايىسقا استانا، رۋدنىي، كوكشەتاۋ، قوستاناي، زىريانوۆسك، ارقالىق، پەتروپاۆل، قاراعاندى قالالارى مەن ساندىقتاۋ، بۋراباي جانە زەرەندى اۋداندارىنان كەلگەن 56 كەلگەن سپورتشى قاتىستى.

 

جارىس قورىتىندىسىنا ساي كوماندالىق ەسەپ بويىنشا №1 «رۋدنىي» كومانداسى ءبىرىنشى ورىن يەلەنسە، جۇلدەلى ەكىنشى جانە ءۇشىنشى ورىنداردى شۋچە قالاسىنداعى №1 «بۋراباي» جانە №2 «بۋراباي» كوماندالارى ءوزارا ءبولىستى. چەمپيوناتتىڭ ەرەلەر اراسىنداعى ەڭ ەرەسەك سپورتشىسىنىڭ جاسى 74-تە بولسا، ايەلدەر اراسىندا قوستانايلىق زينايدا بايدەلدىڭ جاسى 67 دە. ونىڭ شاڭعى سپورتىمەن اينالىسىپ جۇرگەنىنە 50 جىلدان اسادى. ول ءوز جاسىنداعى ايەلدەر اراسىندا ءبىرىنشى ورىندى جەڭىپ الدى.

 

 ال ەرلەر اراسىندا وتكەن كلاسيكالىق ادىستە اتاقتى شاڭعىشى، 1976 -جىلعى وليمپيادانىڭ ەكى دۇركىن قولا جۇلدەگەرى يۆان گرانين ءوزىنىڭ جاسىنا قاراماستان رۋدنىيلىق نيكولاي حراپۋنوۆتى العا جىبەرىپ، جۇلدەلى ەكىنشى ورىن يەلەندى.

 

ارداگەرلەر جاستارىنا قاراماستان وزدەرىنىڭ شەبەرلىكتەرىن كورسەتىپ، كەلەشەك جاستارعا سپورتپەن كەز كەلگەن جاستا اينالىسۋعا بولاتىنىن دالەلدەپ بەردى.

 

اۆتور: اسلان وسپانوۆ