الماتىدا «قازاق» گازەتىنىڭ 1915 - جىلعى جيناعى جارىق كوردى
«قازاق» گازەتىنىڭ 105 -جىلدىعىنا وراي وتكىزىلگەن دوڭگەلەك ۇستەل وتىرىسىنا تاريحشى، فيلولوگ عالىمدار قاتىستى. جيىندا احمەت بايتۇرسىنوۆ نەگىزىن قالاعان باسىلىم جيناعىنىڭ حالىق ءۇشىن وزەكتىلىگى ايتىلدى.
«قازاق» گازەتى بۇگىن دە وزەكتى. قازاق ءولىم اۋزىندا تۇرعاندا ەسىن جيعىزىپ، ەتەك- جەڭىن جيناۋعا ، ءوزىنىڭ ادامي قاسيەتىن تۇسىنۋگە كومەكتەسكەن باسىلىم. قازاق گازەتى ۇلتتىق يدەيانىڭ، سانانىڭ جەتىلۋىنە تىكەلەي ەڭبەك ەتەتىن باسىلىم. بۇنىڭ ورنى ەرەكشە. قازاق گازەتى قازاققا بولىسۋدىڭ ، اراشا ءتۇسۋدىڭ ۇلگىسى. احاڭ سالعان گازەت» ، - دەدى تانىستىرىلىم بارىسىندا تاريح عىلىمىنىڭ دوكتورى مامبەت قويگەلدى.
عىلىم ورداسى كىتاپحاناسى ماماندارى قولعا العان ەڭبەكتىڭ جۇمىسى 2 جىلعا سوزىلعان. كۇندىز - ءتۇنى كوز مايىن تامىزعانداردىڭ ءبىرى، تاريح عىلىمدارىنىڭ دوكتورى سۆەتلانا سماعۇلوۆانىڭ ايتۋىنشا ، بۇل گازەت - جۋرناليستيكانىڭ ەڭ بيىك شوعىرى ىسپەتتى.
«ءتۇپنۇسقانى سيرەك قوردان الدىق، وندا جوعىن قازان قالاسى، سانكت- پەتەربۋرگ، ورىنبور مەن ماسكەۋدىڭ عىلىمي كىتاپحانالارىنا بارىپ تاۋىپ الدىق. 265 سانى تابىلدى. احمەت بايتۇرسىنوۆتىڭ ەڭبەگىندە جازىلعان جادەتشە دەپ اتالاتىن، قازاق تىلىندەگى اراب قارپىمەن جازىلعان گازەت. كەيبىر سوزدەرىن 2-3 كۇن وقىعان كەزدەرىمىز بولدى. بۇل باسىلىمدى جۋرناليستيكانىڭ ەڭ بيىك شوعىرى دەپ ايتار ەدىم. مۇندا گۋمانيتارلىق، جاراتىلىستانۋ سالاسى قامتىلعان. باسىلىم ءوز كەزەڭىندە قىتاي، تۇركيا، رەسەيگە تاراپ وتىرعان. تارالىمى 3 مىڭنان 8 مىڭعا دەيىن جەتكەن» ، - دەدى سۆەتلانا سماعۋلوۆا.
«قازاق» گازەتىنىڭ 1915 -جىلعى جيناعى ازىرگە 60 دانامەن شىعىپ وتىر. سۆەتلانا سماعۋلوۆانىڭ ايتۋىنشا، قولداعى بارىن كىتاپحانالارعا تاراتىپ، كەيىننەن تيراج سانىن كوبەيتىپ ساتىلىمعا قويۋ جوسپاردا بار. باسىلىمنىڭ 1916-18 -جىلدار ارالىعىنداعى ساندارىن اۋدارۋ جۇمىستارى باستالىپ كەتتى.
