باتىس قازاقستاندا سوڭعى اپتادا كوروناۆيرۋستان 18 ادام كوز جۇمدى
ب ق و دەنساۋلىق ساقتاۋ باسقارماسى ءمالىم ەتكەنىندەي، وڭىردە ىندەتتەن بارلىعى 714 ادام ومىردەن ءوتتى. پاندەميا باستالعاننان بەرى تىركەلگەن 36231 ناۋقاستىڭ 28357 ءسى جازىلىپ شىقتى.
سوڭعى اپتادا الدىڭعىمەن سالىستىرعاندا، ىندەت جۇقتىرۋ كورسەتكىشى 11,6 پايىزعا (80 ادامعا) ازايدى. جىل باسىنان بەرى 27010 ادامنان كوروناۆيرۋس تابىلسا، سونىڭ 2326 سى بالالار بولىپ وتىر. قازىرگى تاڭدا بالالاردىڭ 2226 سى جازىلىپ شىعىپ، 100 ءى ازىرگە ساۋىعا قويعان جوق.
باسقارما مالىمەتىنە قاراعاندا، كۇنى بۇگىن 1208 ناۋقاس امبۋلاتورلىق ەم الۋدا. وبلىس بويىنشا 1063 توسەكتىك 19 ينفەكسيالىق ستاتسيوناردا 446 ادام جاتىر. سونىڭ ىشىندە قالاداعى 615 توسەكتىك 7 ستاتسيوناردا 358 ناۋقاس ەمدەلۋدە.
96 توسەكتىك جانساقتاۋ بولىمشەسىندە جاتقان 40 ناۋقاستىڭ 36 سىنىڭ جاعدايى اۋىر. وڭىردە 212 325 ادام (ەگىلۋگە ءتيىستى تۇرعىنداردىڭ 58,9 پايىزى) ۆاكسينانىڭ ءبىرىنشى، 180678 ءى (50,1 پايىز) ەكىنشى كومپونەنتىن قابىلدادى.
ەسكە سالا كەتەيىك، بۇدان بۇرىن باتىس قازاقستاندا ىندەتكە قارسى ۆاكسينا سالدىرعاندار سانى 211 مىڭنان اسقانىن، جىل باسىنان بەرى 2300 دەن استام بالانىڭ كوروناۆيرۋس جۇقتىرعانىن جازعان بولاتىنبىز.