11:29, 29 - ماۋسىم 2020 | GMT +6
كوروناۆيرۋس جۇقتىرعان 18 ادامنىڭ جاعدايى اۋىر
تاشكەنت. قازاقپارات - وزبەكستاندا كوروناۆيرۋس جۇقتىرعان ازاماتتاردى ەمدەۋ كەزىندە وسى ىندەتتى جۇقتىرعان دارىگەر مەن ەمدەلۋشى ناۋقاس قازا تاۋىپ، ءبىر تاۋلىكتە 266 كىسىنىڭ ۆيرۋس جۇقتىرعانى بەلگىلى بولدى، دەپ حابارلايدى ءو ز ا.
دەنساۋلىق ساقتاۋ مينيسترلىگىنىڭ 28- ماۋسىم كەشكى قورىتىندى مالىمەتىنە سەنسەك، رەسپۋبليكادا اۋرۋعا شالدىققانداردىڭ سانى 7948 گە جەتكەن.
سونىمەن قاتار بۇگىن 81 ازامات اۋرۋدان ساۋىعىپ شىعىپ، جالپى جازىلعاندار سانى 5329 عا جەتتى.
بۇگىنگە دەيىن 22 ادام وسى ىندەتتەن كوز جۇمعان. قازىرگى ۋاقىتتا اۋرۋحانادا 2597 ناۋقاس دارىگەرلەر باقىلاۋىندا. ونىڭ اراسىندا 18 ازاماتتىڭ جاعدايى اۋىر.