قازاقپارات كۇنتىزبەسى: 18- ماۋسىم
اتاۋلى كۇندەر
ورنىقتى گاسترونوميا كۇنى
2016-جىلدىڭ 21- جەلتوقسانىندا بىرىككەن ۇلتتار ۇيىمىنىڭ باس اسسامبلەياسى ءوزىنىڭ 71№/ 246 قارارىمەن 18- ماۋسىمدى ورنىقتى گاسترونوميا كۇنى دەپ جاريالادى.
2017-جىلى العاش رەت اتالىپ ءوتتى. بۇل كۇننىڭ ماقساتى - الەمدىك قاۋىمداستىقتىڭ نازارىن تۇراقتى دامۋ ماقساتتارىنا جەتۋ ءۇشىن تۇراقتى گاسترونوميانىڭ ءرولى تۋرالى، ونىڭ ىشىندە اۋىل شارۋاشىلىعىن دامىتۋدى جەدەلدەتۋ، ازىق-تۇلىك قاۋىپسىزدىگىن ارتتىرۋ، حالىقتىڭ تاماقتانۋىن جاقسارتۋ، تۇراقتى ازىق-تۇلىك ءوندىرىسىن قامتاماسىز ەتۋ.
ەستە قالار وقيعالار
2006-جىلى ەگەمەندى ەلىمىزدىڭ بايلانىس جانە حابار تاراتۋعا ارنالعان «قازسات» دەپ اتالاتىن تۇڭعىش گەوستاتسيونارلىق جەر سەرىگى جوسپارلانعان تاڭعى ساعات 4.44 تە بايقوڭىر ايلاعىنان عارىشقا ۇشىرىلدى.
تاۋەلسىز قازاقستاننىڭ عارىشتىق دەرجاۆالار قاتارىنا قاراي اياق باسقان العاشقى قادامىنىڭ حابارشىسىنداي بولعان وسى جەر سەرىگىنىڭ ۇشىرىلۋ ءساتىن قازاقستان مەن رەسەي پرەزيدەنتتەرى نۇرسۇلتان نازاربايەۆ پەن ۆلاديمير پۋتين ارنايى كەلىپ باقىلادى.
«قازسات» جەر سەرىگىنىڭ تەحنيكالىق رەسۋرسى - 12 -جىل. بۇل ەلىمىزدىڭ ەڭ شالعاي اۋداندارى مەن اۋىلدارىن تەلەكوممۋنيكاتسيالىق قىزمەتپەن قامتاماسىز ەتۋگە مۇمكىندىك بەرەدى.
2009-جىلى ورالدا ب. ە. د. Ⅱ عاسىرلارداعى ارحەولوگيالىق قازبالار تابىلدى. تابىلعان تۇرمىس تىرشىلىك زاتتارى جانە اشەكەي بۇيىمداردى باعالاۋ ءۇشىن رەسەيدىڭ جانە گەرمانيانىڭ عالىمدارى شاقىرتىلعان. عالىمدار بۇل قازبالاردىڭ تاريحي ماڭىزدىلىعى زور ەكەنىن باعالاپ، ولاردى حالىقارالىق تىزىمگە ەنەتىنىن حابارلادى.
2011-جىلى ق ر ۇلتتىق بانكى «اقتوبە» مونەتاسىن اينالىمعا شىعاردى، ونىڭ نومينالى 50 تەڭگە، ديامەترى - 23 م م، ماسساسى- 4,71 گرام، تارالىمى - 50 مىڭ دانا، «وسەتر» - نومينالى 500 تەڭگە. مونەتا 925 سىنامالى كۇمىستەن ازىرلەندى، سالماعى - 24 گرام، جۇمىرلىعى 38,61x 28,81 م م، دايىنداۋ ساپاسى - «proof»، تارالىمى- 5 مىڭ دانا.
2014-جىلى قازاقستاندىق عالىمدار تۋبەركۋلەزگە قارسى قولدانىستاعى دارىلەرگە قاراعاندا الدەقايدا تيىمدىرەك ءدارى ويلاپ تاپتى.
2012-جىلى قازاقستان تۋماسى، وزبەكستاندىق سۋرەتشى لەكيم يبراگيموۆتىڭ «مىڭ پەرىشتە مەن ءبىر سۋرەت» اتتى مەگا- سۋرەتىنىڭ گيننەستىڭ رەكوردتار كىتابىنا ەنگىزىلۋىنە ءوتىنىم بەرىلدى. ءوتىنىم «ونەر» بولىمىندەگى «1000 بولىكتەن تۇراتىن ەڭ الىپ كارتينا» دەپ بەرىلگەن.
بۇل اۋقىمدى جوبانى قۇرۋعا «مىڭ ءبىر ءتۇن» ەرتەگىلەرى تۇرتكى بولدى. سۋرەت 1000 بولەك كارتينالاردان تۇرادى، ولاردىڭ ءارقايسىسىندا پەرىشتەنىڭ سۋرەتى بەينەلەنگەن. 528 شارشى مەترگە سوزىلعان كارتينانىڭ سيۋجەتى اتى اڭىزعا اينالعان شىعىس ەرتەگىلەرىنەن قۇرالعان.
2014-جىلى قازاقستاندىق عالىمدار تۋبەركۋلەزگە قارسى بۇعان دەيىن پايدالانىلىپ كەلگەن ۇقساس دارىگەرگە قاراعاندا اناعۇرلىم ءتيىمدى ءدارى جاساپ شىعاردى. تۋبەركۋلەزبەن اۋىرعاندا بۇل پرەپاراتپەن ەمدەۋ تيىمدىلىگىن دە كورسەتتى.
2015-جىلى قازاقستان رەسپۋبليكاسىنىڭ قازاق كۇرەسى فەدەراتسياسى رەسمي تۇردە سپورتتىق جەكپە-جەكتەر جانە سپورتتىڭ كۇشتىك تۇرلەرى كونفەدەراتسياسىنىڭ قۇرامىنا ەندى.
2017-جىلى استانادا العاشقى «استانا» بۇكىلالەمدىك تەاتر فەستيۆالى اشىلدى. ول قازاقستاندىق اكتەر، تەاتر جانە كينو رەجيسسەرى ءاسانالى ءاشىموۆتىڭ 80 جىلدىعىنا ارنالدى.
شاراعا ەۋروپا مەن ازيانىڭ جەتەكشى تەاترلارىنىڭ وكىلدەرى، بەلگىلى سىنشىلار، دراماتۋرگتەر، قازاقستان جانە ت م د ەلدەرىنىڭ مادەنيەت جانە ونەر قايراتكەرلەرى، ءاسانالى ءاشىموۆ ونەرىمەن تەرەڭنەن تانىسقىسى كەلگەن جاس ونەر شەبەرلەرى قاتىستى.
2018 جىلى استانادا «ۇلى دالا» III گۋمانيتارلىق فورۋمىندا تانىمال عالىمدار تۇركى الەمىنىڭ عىلىمىن دامىتۋعا قوسقان ۇلەسى ءۇشىن التىن مەدالدارمەن ماراپاتتالدى. ولار: فيلولوگيا عىلىمدارىنىڭ دوكتورى، پروفەسسور، رەسەي عىلىم اكادەمياسى «تاريح، ءتىل جانە ادەبيەت ينستيتۋتى» ۋفا عىلىمي ورتالىعىنىڭ جەتەكشىسى فيرداۋس حيساميتدينوۆا؛ فيلولوگيا عىلىمدارىنىڭ دوكتورى، چۋۆاش ءتىلىنىڭ زەرتتەۋشىسى، پروفەسسور نيكولاي ەگوروۆ؛ فيلولوگيا عىلىمدارىنىڭ دوكتورى، پروفەسسور، رەسەي عىلىم اكادەمياسىنىڭ تاريح جانە فيلولوگيا عىلىمدارى دەپارتامەنتى تۇركى تانۋ كوميتەتى ءتوراعاسىنىڭ ورىنباسارى ولەگ مۋدراك جانە تاريح عىلىمدارىنىڭ دوكتورى، موڭعوليادان كەلگەن پروفەسسور چۋلۋۋن سامبيلدونوۆ.
2019-جىلى قازاقستاندا مىندەتتى الەۋمەتتىك مەديتسينالىق ساقتاندىرۋ جۇيەسى جانە كەپىلدەندىرىلگەن تەگىن مەديتسينالىق كومەك كورسەتۋ اياسىندا كورسەتىلەتىن جاڭا مىندەتتى مەديتسينالىق قىزمەت كورسەتۋ ءتىزىمى بەكىتىلدى.
مىندەتتى الەۋمەتتىك مەديتسينالىق ساقتاندىرۋ جۇيەسى (م ءا م س) - دەنساۋلىق ساقتاۋ مۇددەسىن الەۋمەتتىك قورعاۋداعى مەملەكەتتىك جۇيە بولىپ تابىلادى. م ءا م س قازاقستاننىڭ بارلىق ساقتاندىرىلعان ازاماتتارىنا جىنىسىنا، جاسىنا، الەۋمەتتىك جاعدايىنا، تۇرعىلىقتى جەرىنە جانە تابىسىنا قاراماستان مەديتسينالىق جانە دارىلىك كومەككە تەڭ قولجەتىمدىلىك جاساۋعا كەپىلدىك بەرەدى.
مىندەتتى الەۋمەتتىك مەديتسينالىق ساقتاندىرۋ (م ءا م س) - اۋرۋ، جاراقات الۋ، تۋۋ جانە جۇكتىلىك، مۇگەدەكتىك جانە كارىلىك جاعدايلارىندا حالىقتىڭ دەنساۋلىعىىڭ مۇددەسىن الەۋمەتتىك تۇرعىدا قورعاۋ نىسانى.
2019-جىلى قازاقستاننىڭ عىلىمي قىزمەتكەرلەرى قازان فەدەرالدى ۋنيۆەرسيتەتى كىتاپحاناسىنىڭ قولجازبالار مەن سيرەك كەزدەسەتىن كىتاپتار بولىمىنەن اباي جازعان 133 جىل بۇرىنعى «قاراپايىم قازاقتارعا ارنالعان كودەكس» بىرەگەي قۇجاتىن تاپتى.
«تۇتاستاي العاندا جيناق سەمەي بولىسىندا 1885-جىلى وتكەن سەزدىڭ قورىتىندىسى بويىنشا قابىلدانعان رەسمي قۇجاتتاردان تۇرادى. ونىڭ تولىق اتاۋى - «سەميپالات وبلاستەنەڭ بيشديۆاننىڭ بارچا حالفانەڭ سايلانمىش ادامنارەنەڭ 1885-نچە ەلىندا ماي اەندا يار بۋەنداگى كارامالى سەزدىندا ياسالمىش يراجاسەدەر». «كودەكستى» قۇراستىرۋدا تورە ءبي رەتىندە اباي قۇنانبايەۆ قاتىستى.
قازاق تاريحشىلارىنىڭ پىكىرىنشە، ول قاراپايىم ادامداردىڭ تۇرمىسىن تۇزەۋ باعىتىندا ءبىرقاتار جاڭالىقتار ەنگىزگەن، سوندىقتان دا وعان دەگەن قۇرمەت ەرەكشە. بۇنى قازانداعى بىرەگەي قۇجات تا دالەلدەي تۇسەدى»، - دەپ جازادى تاتار-ينفورم.
