پەرزەنتحانادان ۇرلانعان بالا 18 جىلدان كەيىن تابىلدى

استانا. قازاقپارات - وڭتۇستىك كورولينا شتاتىنىڭ پوليتسەيلەرى سوڭعى 20 جىلداعى ەڭ ءبىر رەزونانستىق ءىستىڭ بەتىن اشتى؛ دجەكسونۆيلل قالاسىندا 18 جىل بۇرىن ءسابي كەزىندە پەرزەنتحانادان ۇرلانعان كاميا موبلي امان- ەسەن تابىلدى، دەپ جازادى Daily Mail.
None
None

باسىلىم كەلتىرگەن دەرەكتەر بويىنشا، قىز بالا وسى ۋاقىتقا دەيىن ءوزىن ۇرلاپ العان ايەلدى اناسى دەپ ساناپ كەلگەن. قىلمىستى جاساعان 51 جاستاعى گلوريا ۋيليامس ۇرلانعان بالاعا جاساندى قۇجاتتار تاۋىپ العان، الايدا تۋعان كۇنى مەن جىلى وزگەرتىلمەي قالعان. ساقشىلار وسى دەرەك نەگىزىندە قىز بالانىڭ «ۇرلانعان ءسابي» ەكەندىگىن انىقتاعان. ولاردىڭ كۇدىگىن كەيىن د ن ق- تەست راستاپ بەرگەن.

قازىرگى تاڭدا ۋيليامسقا ادام ۇرلاۋ فاكتىسى بويىنشا ايىپ تاعىلعان. الايدا كاميا ءوزىنىڭ تۋعان وتباسىنا ورالۋعا اسىعار ەمەس. امەريكا زاڭناماسى بويىنشا بويجەتكەن مەن ونىڭ وتباسى تەك ەكى جاقتىڭ ءوزارا كەلىسىمى بويىنشا عانا قوسىلا الادى.

سوڭعى جاڭالىقتار