قاريا «قۇدايدىڭ امىرىمەن» 18 جىل بويى جەراستى ۇڭگىرىن قازىپ كەلەدى

 ستانا. قازاقپارات - سالۆادور مەملەكەتىنىڭ تۇرعىنى سانتياگو سانچەزانىڭ بۇل ىسپەن اينالىسىپ كەلە جاتقانىنا 18  جىل بولعان ەكەن. بۇگىندە 69 عا كەلگەن قارياعا سول كەزدە جاراتۋشى ايان بەرىپ، كۇنىنە 40 كەلى توپىراق قازۋدى بۇيىرعان كورىنەدى- مىس.

سودان بەرى جەر قازۋ جۇمىستارىن كۇندەلىكتى جالعاستىرىپ كەلە جاتقان سانچەز ازىرگە قانداي ماقساتپەن قازىپ جاتقانىنىن ءوزى دە بىلمەيدى. ءبىراق، «قۇدايدىڭ بۇيرىعىنا قارسى كەلمەستەن» ، جەراستى ۇڭگىرىن قازۋدى كۇن سايىن جالعاستىرىپ كەلەدى. ءبىر قىزىعى، ۇڭگىردىڭ بۇگىنگى تاڭداعى ناقتى ۇزىندىعىن سانچەزدەن باسقا ەشكىم بىلمەيدى. قىزىعۋشىلىق تانىتىپ، تومەنگە ءتۇسىپ كورگەن تىلشىلەر 100 مەتر تومەندەگەن سوڭ وتتەگىنىڭ جەتىسپەۋىنەن كەرى قايتۋعا ءماجبۇر بولعان. ال، سانچەز شۇڭقىر تۇبىنە ءتۇسۋ تەك وزىنە جازىلعان دەيدى.

 سانچەزدىڭ جۇبايىنىڭ ايتۋىنشا، كورشىلەردىڭ بارلىعى دا ونىڭ ەسى اۋىسقان دەپ سانايتىن كورىنەدى. الايدا، سانچەز ءوزىنىڭ بۇل ارەكەتىنىڭ تەك «قۇدايعا عانا بەلگىلى ءبىر ماقساتى بارىن» ايتادى.

Muslim.kz