15:37, 18 - قىركۇيەك 2016 | GMT +5
قىتايداعى فۋجيان پروۆينتسياسىندا «مەرانتي» داۋىلى 18 ادامنىڭ ءومىرىن قيىپ كەتتى
استانا. قازاقپارات - جويقىن «مەرانتي» داۋىلى قىتايداعى فۋجيان پروۆينتسياسىن ەداۋىر شىعىنعا ۇشىراتتى.
سوڭعى دەرەكتەرگە قاراعاندا، 16- قىركۇيەكتە 21:00 گە قاراي اۋماقتى جايپاپ وتكەن الاپات داۋىل 18 ادامنىڭ ءومىرىن قيىپ كەتكەن، 11 ادام ءىز-ءتۇزسىز جوعالىپ وتىر، دەپ حابارلايدى شينحۋا.
«مەرانتي» سيامەن قالاسى اۋماعىنداعى جاعالاۋعا 15- قىركۇيەكتە تاڭەرتەڭگىلىك جەتتى. داۋىل سالدارىنان ۇيلەر قۇلاپ، ينفراقۇرىلىم زاقىمداندى، سۋمەن جانە ەلەكترمەن جابدىقتاۋ جۇيەلەرى ءبۇلىندى. سونداي-اق كولىك قوزعالىسى قيىندادى. قالانى ەداۋىر ەكونوميكالىق شىعىنعا ۇشىراتتى.
